Aqmola oblysynda kún jylynǵaly 50 adamdy kene shaqty
Oblystyq sanıtarlyq-epıdemıologııalyq baqylaý departamentiniń málimetinshe, ótken aptada 42 adam (onyń ishinde 10 bala) medıtsınalyq uıymǵa kómek surap júgingen.
Kene shaǵý faktileri Sandyqtaý, Zerendi, Býrabaı aýdandary jáne Kókshetaý qalasy aýmaǵynda tirkeldi.
«Oblysta Sandyqtaý aýdany kene ınfektsııasynyń tabıǵ oshaǵy bolyp tabylady. Ótken jyly bul aýdanda 3 kene entsefalıti tirkeldi. Býrabaı aýdanynda 2 kene entsefalıti jáne 1 kene borrelıozy anyqtaldy» dedi vedomstvodan.
Mamandardyń aıtýynsha, kene shaǵý naýqany sáýirden qyrkúıek aıyna deıin jalǵasady.
Kene orman ishinde ǵana emes, shóbi bar qala saıabaqtary men skverlerinde de kezdesedi.
«Aýyr zardaptardyń aldyn alý úshin keneden qorǵaýdyń qarapaıym erejelerin saqtaý qajet. Deneni jáne bas kıimdi múmkindiginshe jabý, arnaıy repellentterdi qoldaný, ormanda nemese saıabaqta serýendeý kezinde ár 15-20 mınýt saıyn ózińizdi jáne basqa otbasy múshelerin tekserińiz» deıdi mamandar.