Aqmola oblysynda kún raıynyń buzylýynan 3 avtojol jabyldy

ASTANA. QazAqparat – Aqmola oblysynda aýa raıynyń buzylýyna baılanysty birneshe avtojol ýchaskesi jabyldy, dep habarlaıdy QazAqparat «QazAvtoJol» kompanııasyna silteme jasap.

«Elorda ýaqytymen saǵat 23.30-dan bastap aýa raıynyń qolaısyzdyǵyna baılanysty Aqmola oblysynda kóliktiń barlyq túri úshin tómende kórsetilgen jol ýchaskelerinde qozǵalysqa shekteý engizildi:

1) «Jaqsy-Esil-Buzylyq» avtojolynyń 0-82 shaqyrym aralyǵy;

2) «Jezqazǵan-Petropavl» avtojolynyń 537-552 shaqyrym aralyǵy;

3) «Qostanaı-Áýlıekól-Surǵan» avtojolynyń 232-260 shq aralyǵy», - delingen habarlamada.

Trassalarǵa «QazAvtoJol» UK» AQ Aqmola oblystyq fılıalynyń 72 arnaıy tehnıkasy jumyldyrdy.

Eske salaıyq, sınoptıkter aýa raıynyń buzylýyna baılanysty 14 óńirde eskertý jarııalaǵan bolatyn.

Aqmola oblysynyń basym bóliginde jańbyr men qar túrinde jaýyn-shashyn túsip, burqasyn kútiledi. Oblystyń batysynda, soltústiginde, ońtústik-shyǵysynda tuman, kóktaıǵaq bolady. Jeldiń kúshi keı ýaqytta 23 m/s jetýi múmkin.