Aqmola oblysynda quldyqta bolǵan 34 jastaǵy er adam qutqaryldy
KÓKShETAÝ. QazAqparat - Aqmola oblysynda 8 aı boıy tegin eńbekke jegilgen er adam quldyqtan bosatyldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, Býrabaı aýdandyq ІІB Uıymdasqan qylmyspen kúres bólimshesiniń qyzmetkerleri Balyqty aýylynyń 66 jastaǵy turǵyny segiz aı boıy Şýche qalasynyń 1983 jyly týǵan turǵynyn bopsalap, qorqytý arqyly sharýashylyq jumysyna jekkeni anyqtaldy.
«Tekseris barysynda anyqtalǵandaı, kúdikti men zardap shegýshi burynnan tanys. 2016 jyldyń shildesinde Shýche qalasynda bir kezdesken sátinde kúdikti zardap shegýshige jumys usynǵan. Eńbekaqysyna kelisken 34 jastaǵy jigit birden aýylǵa keledi. Keıin jumysshyǵa istegen eńbeginiń aqysyn berýdiń ornyna kúdikti kerisinshe oǵan 7 bas iri qara urladyń dep jala jaýyp, polıtsııaǵa habarlaımyn dep bopsalaǵan. Osylaısha, buryndary sotty bolǵan zardap shegýshi taǵy da temir torǵa toǵytylatynynan qorqyp, tegin jumys isteı bergen. Onyń sózine qaraǵanda, kúdiktiniń eshqandaı maly urlanbaǵan.
«Aǵymdaǵy jyldyń 9-shy aqpanynda Býrabaı aýdandyq ІІB Uıymdasqan qylmyspen kúres bólimshesiniń qyzmetkerleri atalǵan Balyqty aýylynyń 66 jastaǵy turǵynyn ustady. Qazirgi kezde, QR QK 126-babynyń 2-bólimi boıynsha sotqa deıingi tergeý amaldary júrgizilýde», dep túsindirdi polıtseıler.
