Aqmola oblysynda kóz jumǵan áıeldiń ólimine sý tasqynynyń qatysy joq - ІІM
ASTANA. QazAqparat - Aqmola oblysynda qaza tapqan áıeldiń ólimine sý tasqynynyń qatysy joq.
Bul jaıynda búgin Úkimettiń selektorlyq rejimdegi otyrysynan keıin QR Іshki ister mınıstri Qalmuhanbet Qasymov BAQ ókilderine málim etti.
«Búgingi kúni adamdardyń ólimine jol berilgen joq. Al áıel «jedel júrek jetispeýshiliginen» kóz jumǵan. Qazir saraptama júrgizilýde. Ol áıel qutqarýshylar kelgenge deıin eki kún buryn kóz jumǵan», - dedi Qasymov BAQ ókilderiniń saýalyna oraı.
Aıta keteıik, keshe birqatar buqaralyq aqparat quraly Aqmola oblysyndaǵy Sandyqtaý aýdanyna qarasty Sandyqtaý eldi mekeninde sýǵa ketken úılerdiń birinen 59 jastaǵy áıeldiń máıiti tabylǵandyǵyn habarlaǵan bolatyn.
Sonymen qatar mınıstr aldaǵy 3-5 kúnde jaǵdaı turaqtalatyndyǵyn atap ótip, sý tasqynynyń oryn alýynyń basty sebepterin de atady.
«Birinshiden, bıyl qar óte mol bolyp, shekti normadan 3 ese asyp ketti. Al ótken aptanyń beısenbi, juma jáne senbi kúnderi jańbyr jaýyp, ol qardyń kúrt erýine túrtki boldy. Sonyń saldarynan ózenderdegi, sý qoımalaryndaǵy sý deńgeıi kóterildi. Ekinshiden, salynǵan joldar árıne, bóget retinde paıdaǵa jarady. Biraq, erigen sýlar sol joldardyń boıynda jınalyp, sýaǵarlardyń bolmaýy saldarynan joldardy shaıyp ketti», - dedi ol.
Úshinshiden, onyń atap ótýinshe, sý qoımalarynyń durys esebi bolmady. ıAǵnı, sý qoımalarynyń ıeleri jazǵy mezgilde sýdy eginshilikpen aınalysatyndarǵa jáne ónerkásipterge satý úshin kóp jınap alýǵa tyrysty. Biraq, sý qoımalaryna sýdyń mol mólsheri túsip, bógettiń buzylmaýy úshin májbúrli túrde sýdy kóptep aǵyzýǵa týra keldi.
«Al tasqyn sý ózen arnalarynyń tómengi saǵalaryna jaıylyp, eldi mekenderdi basyp qalyp otyr», - dedi mınıstr.
