Aqmola oblysynda qoıshy uldarymen birge dala órtin sóndirdi
KÓKShETAÝ. QazAqparat – Kókshetaýdyń irgesindegi Stantsıonnyı kentiniń turǵyny qoıshy Ábsálem Qusman uldary Imanáli men Ernurmen birge 300-400 sharshy metr aýmaqty sharpyǵan dala órtin sóndirdi, dep habarlaıdy QazAqparat tilshisi.
Stantsıonnyı kentiniń ákimdiginiń málimetinshe, 24 sáýirde keshkk karerdiń aınalasyndaǵy qurǵaq shóp órtengen. Kent ákimi Ardaq Tasqynbaı órt shyqqan jerge barǵan.
«Karer mańynda júrgen er adamdy kórdim. Bastapqy da ony shópti órtep júrgen osy kisi dep oıladym. Keıin ony kerisinshe dala órtin sóndirip júrgenine kózi jetti. Onyń eki uly da ústindegi syrtqy kıimin sheship ákelerine órtti sóndirýge kómekstesti», - deıdi kent ákimi A.Tasqynbaı.
Anyqtalǵandaı, kent turǵyny Ábsálem Qusmanǵa órtti sóndirýge 11 jáne 12 jastaǵy uldary kómektesken.
«Men qoıshymyn. Túski ýaqytta otardyń basynda balalarymdy qaldyryp, ózim úıge túski as ishýge kettim. Bir kezde tútindi kórip, keıin qaıttym. Barsam shóp órtenip jatyr eken. Birden órtti sóndirýge kiristim. Aldymen uldarym, keıin kent ákimi kelip kómektesti», - deıdi Ábsálem Qusman.
Aıta ketsek, órt 300-400 sharshy metr aýmaqqa jaıylǵan. Órttiń tez taralýyna qatty jel áser etken. Abyroı bolǵanda órt bir jarym saǵattyń ishinde sóndirildi.
