Aqmola oblysynda qosymsha bilim berýdi damytý boıynsha qandaı jumystar júrgizilýde
Oblystyq bilim basqarmasy baspasóz qyzmetiniń málimetinshe, balalarǵa qosymsha bilim berý júıesin damytý Qazaqstandaǵy memlekettik bilim berý saıasatynyń basym baǵyty bolyp tabylady. Búgingi kúni oblysta 94947 balany nemese 71,7 paıyzdy qamtıtyn 51 qosymsha bilim berý uıymy jumys isteıdi. 7648 bala qamtylǵan qosymsha bilim berýde shyǵarmashylyqqa, sportqa memlekettik bilim berý tapsyrysyn ornalastyrý jobasy iske asyrylýda. 2022 jyly bilim berý júıesinde jobany iske asyrý jalǵasady jáne oǵan taǵy 8 myńǵa jýyq bala qamtylady. Sport sektsııalarynyń sany artyp, 56686 balany qamtýmen 2887 nemese 42,9 paıyzdy qurady.
Óńirdiń bilim basqarmasynyń basshysy Beıbit Júsipovtiń aıtýynsha, balalardy qosymsha bilim berýge tartý úshin jaǵdaıdy jaqsartý, materıaldyq-tehnıkalyq jabdyqtaý mańyzdy ról atqarady. 2021 jyly alty qosymsha bilim berý uıymdarynda kúrdeli jóndeý jumystary júrgizildi. Atap aıtsaq, Stepnogor qalasynyń «Batyr» BJSM, Jaqsy aýdanynyń oqýshylar úıi, Arshaly aýdanynyń jas tehnıkter stantsııasy, Atbasar aýdanynyń balalar mýzyka mektebi, Atbasar aýdanynyń «Olımp» FOK, Astrahan aýdanynyń shyǵarmashylyq úıi. Sondaı-aq, 2022 jylǵa taǵy eki uıymda, Aqkól aýdanynyń balalar men jasóspirimder shyǵarmashylyq ortalyǵynda, Zerendi aýdanynyń «Jiger» BJSM jóndeý josparlanǵan. Oblysta 20 jyldan astam ýaqyttan beri úsh myńǵa jýyq balalar men jasóspirimder baratyn «Áýlet» mektepten tys jumys ortalyǵy jumys isteıdi.
«Búgingi tańda balalar men jasóspirimder úshin týrıstik-ólketaný, sándik-qoldanbaly, kórkem-estetıkalyq, áleýmettik-pedagogıkalyq, tehnıkalyq modeldeý, jaratylystaný-matematıkalyq, ekologııalyq, tildik jáne sporttyq baǵyttar boıynsha 10 baǵyt boıynsha 116 úıirme men stýdııa ashyq», – dep atap ótti Ortalyq dırektory Maral Áljaparova.
«Sáýlet» mektepten tys jumys ortalyǵy janynan ashylǵan Kókshetaý qalasynyń shetindegi shaǵyn aýdandarynda bes balalar aýla klýby jumys isteıdi. Sondaı-aq, ortalyq «Jas Ulan», «Jas Urpaq», «Jol qozǵalysynyń jas ınspektorlary», «Jas qutqarýshylar», «Qazaqstan halqynyń balalar mektep assambleıalary» qoǵamdyq birlestikteriniń jumysyn úılestiredi.
