Aqmola oblysynda qostanaılyq gastroler-urylar ustaldy
KÓKShETAÝ. QazAqparat - Aqmola oblysynda birneshe pəterdi tonaǵan qostanaılyq gastroler-urylar ustaldy, dep habarlaıdy QazAqparat tilshisi oblystyq baspasóz qyzmetine silteme jasap.
Vedomstvonyń deregi boıynsha, Kókshetaý qalasynyń PB kezekshilik bólimine jergilikti turǵynan aryz túsken. Zardap shekken áıeldiń aıtýynsha, 14 jeltoqsanda belgisiz bireýler onyń páterine kirip, quny 500 myń teńge bolatyn əshekeı buıymdaryn qoldy etken. Urylar esiktiń qulybyn arnaıy quralmen ashqan.
«Jedel izdestirý sharasy barysynda polıtsııa qyzmetkerleri qylmystyń izin sýytpaı kúdiktilerdi ustady. Olardyń 32 jáne 33 jas aralyǵyndaǵy Qostanaı oblysynyń turǵyndary ekeni anyqtaldy. Sonymen qatar, Aqmola oblysy aýmaǵynda dál osyndaı qylmystarǵa qatysy bary áshkerelendi», dep túsindirdi vedomstvodan.
Aıtalyq, aǵymdaǵy jyldyń qarasha aıynda Stepnogor qalasynda jergilikti turǵynnyń páterin tonap, barlyǵy 8 mıllıon teńgeniń áshekeı buıymdaryn qoldy qylsa, jeltoqsan aıynyń basynda Kókshetaý qalasynda dál osyndaı qylmys jasaǵan. Bul joly 200 myń teńge shyǵyn keltirgen. Tergeý amaldary barysynda urlanǵan zattardyń birazy tárkilenip, ıelerine qaıtaryldy. Al qalǵandaryn urylar satyp jibergen. Sondaı-aq zattaı aıǵaqtar men qulyptardy ashatyn arnaıy qural tárkilendi.
«Qazirgi kezde, kúdiktiler ýaqytsha ustaý oqshaýlaǵyshyna qamalyp, QR QK 188 babynyń 4 bóligi boıynsha is qozǵaldy», dep tolyqtyrdy Aqmola oblysynyń PD baspasóz qyzmetindegiler.
