Aqmola oblysynda koronovırýske qarsy tegin preparattar úlestirilip jatyr
KÓKShETAÝ. QazAqparat - Aqmola oblysynda koronavırýs ınfektsııasynyń taralaýyn boldyrmaý jáne aldyn alý sharalary júrgizilýde, dep habarlaıdy QazAqparat tilshisi oblystyq ishki saıasat basqarmasyna silteme jasap.
Qyzýdy basatyn jáne antıkoagýlıant preparattardy koronovırýs ınfektsııasy baıqalǵan naýqastarǵa turǵylyqty jeri boıynsha tirkelgen emhanalarda ýchaskelik dárigerler polımerazdyq tizbek reaktsııasynyń nátıjesine qaramastan úlestiretin bolady.
Oblystyq taýarlar men qyzmetterdiń sapasy men qaýipsizdigin baqylaý departamentiniń basshysy Aınagúl Mýsınanyń aıtýynsha, oblysta 52,4 mıllıon teńgeniń dárilik preparttary jetkizilgen.
«Búgingi tańda oblystyń emdeý mekemelerine tapsyrys berilgen rıvaroks (ksareltonyń balamasy), novıgan neo (ıbýprofen), elıkvıs (apıksaban), pradaksa (dabıgatran) preparattar jetkizildi. Dáriler emhanalardaǵy dárihanalarda dárigerdiń ruqsatymen beriledi», - dep túsindirdi oblystyń bas sanıtarlyq dárigeri.
Eger dáriger ruqsat bergen preparattar bolmasa, onda naýqastar «SK-Farmatsııa» baılanys ortalyǵy nemese 1439 (tegin qońyraý) nómirine tegin dári-dármekpen qamtamasyz etý máselesi suraqtary boıynsha habarlasýǵa bolady.
Aıtalyq, dári-dármek kepildendirilgen tegin medıtsınalyq kómek sheńberinde beriletin bolady.
