Aqmola oblysynda koronavırýsty anyqtaıtyn 3 zerthana jumys istep tur
KÓKShETAÝ. QazAqparat - Aqmola oblysynda koronavırýsty anyqtaý boıynsha 3 zerthana jumys istep tur. Kún saıyn 800-den 1 myńǵa deıin saraptama jasalady. Bul týraly brıfıng barysynda óńir basshysy Ermek Marjyqbaevqa aıtty, dep habarlaıdy QazAqparat tilshisi.
Onyń atap ótýinshe, maýsym aıynda júktemeniń kóp bolýy saldarynan saraptama jasaýǵa arnalǵan bir apparat isten shyqqan.
«Búginde 430 test bar. Taǵy kelýi kerek, kútip otyrmyz. Іndet ósiminiń basty sebebiniń biri - adamdardyń qarym-qatynasy. Áli kúnge deıin adamdar monshaǵa, úılený toıyna, eske alý jıynyna baryp júr», - dedi oblys basshysy.
Degenmen, óńir basshysynyń aıtýynsha, oblystaǵy birde-bir ónerkásip jabylǵan joq.
Sonymen qatar Ermek Marjyqbaev sanıtarlyq normalardy qatań saqtaıtyn turǵyndarǵa rızashylyǵyn bildirdi.
Buǵan deıin habarlaǵanymdaı, 1 tamyzǵa deıin oblysta qosymsha 5 myń tósek-oryn daıyndalatyn bolady.
Aqmolalyqtar vırýsqa qarsy jáne ystyq túsiretin preparattardyń tapshylyǵyna shaǵymdanýda.
