Aqmola oblysynda koronavırýspen aýyrǵandar sany tómendep keledi

KÓKShETAÝ. QazAqparat - Búgin Aqmola oblysy «jasyl» aımaqqa kóshkenine qaramastan, karantındik shekteýlerdi jeńildetý týraly sheshim jeti kúnnen keıin anyqtalady. Bul týraly brıfıngte Aqmola oblysynyń bas memlekettik sanıtarlyq dárigeri Aınagúl Mýsına málim etti, dep habarlaıdy QazAqparat tilshisi.

Óńirdiń bas memlekettik sanıtarlyq dárigeriniń aıtýynsha, oblysta koronavırýstyq ınfektsııamen syrqattanýshylyq boıynsha epıdemıologııalyq jaǵdaı salystyrmaly túrde turaqtandy. Búginde oblys «jasyl» aımaqqa aýysty. Biraq QR Bas memlekettik sanıtarlyq dárigeriniń qaýlysyna sáıkes karantındik shekteý sharalaryn jeńildetý «sary» aımaqtan «jasyl» aımaqqa kóshkennen keıin jeti kúnnen erte júrgizilmeıdi, sondyqtan «sary» aımaq boıynsha barlyq shekteý sharalary jeti kún boıy qoldanylady.

«Sońǵy aptada ótken aptamen salystyrǵanda aýrýshańdyqtyń 416-dan 365 jaǵdaıǵa deıin nemese 12,2 paıyzǵa tómendegeni baıqalady. Bir táýlik ishinde COVID-19 zerthanalyq rastalǵan 39 jaǵdaı tirkeldi, onyń ekeýi 14 jasqa deıingi jasóspirimder arasynda», - dep atap ótti A.Mýsına.

Infektsııalyq statsıonarda 321 naýqas em alýda, onyń ishinde 241 naýqas COVID-19 jáne 80 naýqas koronavırırýs belgisi joq pnevmonııa dıagnozymen túsken. Sondaı-aq, 36 naýqas jansaqtaý bólimshesinde, olardyń úsheýiniń jaǵdaı óte aýyr. Bul aýyrǵandardyń barlyǵy vaktsına almaǵandar. Infektsııalyq statsıonarlardaǵy tósek oryndardyń 35 paıyzynda ǵana naýqastar ornalasqan. Sonymen birge, bir táýlikte oqýshylar arasynda tórt jaǵdaı tirkeldi. Onyń ekeýi Shortandy aýdanynda jáne bir-birden Kókshetaý men Stepnogor qalalarynda.

«Oqý jylynyń basynan beri jalpy bilim beretin mektepterdiń qyzmetkerleri arasynda COVID-19 aýrýynyń 359 jaǵdaıy tirkeldi, onyń ishinde shtattyq rejımde – 300, qashyqtan – 57 jaǵdaı. Bir táýlik ishinde mektep qyzmetkerleri arasynda COVID-19 oqıǵasy tirkelgen joq. 20 jeltoqsandaǵy jaǵdaı boıynsha oblystyń 31 mektebindegi 47 synyp qashyqtan oqytý formatyna aýystyryldy», - dep túsindirdi A.Mýsına.

2021 jyly mektep jasyna deıingi balalar arasynda COVID-19 zerthanalyq rastalǵan 491 jaǵdaı, jeltoqsanda - 12 jaǵdaı tirkeldi. Ótken táýlikte mektep jasyna deıingi balalar arasynda COVID-19 anyqtalǵan joq.

Sonymen qatar, oqý jylynyń basynan bastap joǵary oqý oryndarynyń stýdentteri arasynda 218 jaǵdaı, al joǵary oqý oryndarynyń stýdentteri arasynda koronovırýs ınfektsııasyna shaldyǵýdyń 33 jaǵdaıy tirkeldi.