Aqmola oblysynda koronavırýske shaldyqqandar sany ósti
KÓKShETAÝ. QazAqparat - Aqmola oblysynda koronavırýske shaldyqqandar sany ósti. Bul týraly QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetine silteme jasap habarlaıdy.
«Oblys ortalyǵynda qaýipti derti juqtyrǵandardyń úsheýi bir otbasynyń músheleri – 1976, 1999 jylǵy er adamdar jáne 1965 jylǵy áıel. Sonymen qatar, taǵy úsh adamnan medıtsınalyq kómekke ózdiginen júgingennen keıin anyqtaldy. Olar 1965, 1975 jylǵy er adamdar men 1979 jylǵy áıel. Naýqastar dene qyzýy, tamaqtyń jybyrlaýy jáne tynys alýdyń qıyndaýyna shaǵymdanǵan», - deıdi vedomstvodan.
Budan bólek, Tselınograd aýdanynda 1980 jylǵy er adam, Sandyqtaý aýdanynda 1965 jylǵy áıel jáne Shortandy aýdanynda 1958 jylǵy er adam men 1989 jylǵy áıelde anyqtaldy. Bular da dirgerlerdiń kómegine ózdiginen júgingen.
«Naýqastarǵa bekitilgen klınıkalyq hattamaǵa sáıkes medıtsınalyq kómek kórsetiledi. Úıde epıdemııaǵa qarsy dezınfektsııalaý, sondaı-aq, naýqastarmen baılanysty bolǵan adamdary anyqtaý boıynsha sanıtarlyq-epıdemıologııalyq sharalar júrgiziledi», - deıdi Aqmola oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetindegiler.
Osy rette, Aqmola oblysynda qazirgi tańda COVID-19 juqtyrǵandardyń sany 205 adamdy quraıdy. Onyń ishinde 141 adam jazylyp úılerine jiberilgen.
Aıta keteıik, koronavırýs ınfektsııasynyń taralaýy jıilep ketýine baılanysty Kókshetaý qalasynda 7 blokpost qaıtadan qoıylyp, karantındik shekteý sharalary kúsheıtildi.
