Aqmola oblysynda koronavırýsqa qarsy kúres kúsheıtildi
KÓKShETAÝ. QazAqparat - Aqmola oblysynyń aýmaǵynda jańa koronavırýstyq ınfektsııa (COVID-2019) taralýynyń aldyn alý sharalaryn kúsheıtý týraly qaýly shyǵaryldy, dep habarlaıdy QazAqparat tilshisi.
Aqmola oblysy taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy, óńirdiń bas sanıtar dárigeri Aınagúl Mýsına qol qoıǵan qaýlyda menshik nysanyna qaramastan sharýashylyq júrgizýshi sýbektilerdiń basshylary men jeke kásipkerler oblys aýmaǵyndaǵy shıpajaılyq-kýrorttyq obektilerdi (jyl boıy jáne maýsymdyq emdeý-saýyqtyrý shıpajaılardy, onyń ishinde balalar shıpajaılaryn, kýrorttardy, pansıonattardy, demalys úılerdi, qonaq úılerdi, motelderdi, demalys zonasyn) jabý, qalalar men aýdandar ákimderi shıpajaılyq-kýrorttyq obektilerdiń qyzmetin toqtata turý boıynsha talaptardyń saqtalýyn baqylaý talaptary jazylǵan.
Sondaı-aq, Aqmola oblystyq polıtsııa departamenti tótenshe jaǵdaı rejımin buzýǵa jol bergen tulǵalarǵa qatysty sharalar qabyldaýdy qamtamasyz etetini jazylǵan.
