Aqmola oblysynda koronavırýs juqtyrǵandardyń aldy 99 jasta
KÓKShETAÝ. QazAqparat – Aqmola oblysynda 9 sáýir saǵat 10:00 jaǵdaı boıynsha COVID-19 juqtyrǵandardyń sany 56 adamǵa jetti, dep habarlaıdy QazAqparat tilshisi oblystyq densaýlyq saqtaý basqarmasyna silteme jasap.
Vedomstvonyń málimetinshe, COVID-19 taǵy 13 adamnan tabyldy. Qaýipti indetti juqtyrǵandardyń aldy 99 jasta, olardyń barlyǵy arnaıy áleýmettik kómek alýshylar.
«Osyǵan deıin taldaý materıaly áleýmettik kómek alýshylar men qyzmetkerlerden (jaqyn baılanysta bolǵan 216 adam) alynǵan edi. Onyń ishinde ortalyqtyń 34 áleýmettik kómek alýshysy jáne 1963 jylǵy qyzmetkeriniń boıynan qaýipti ınfektsııa anyqtaldy. Bulardyń barlyǵy 2-shi sáýirde kóz jumǵan Tselınograd aýdanynyń 1947 jylǵy turǵynymen baılanysta bolǵandar», - deıdi vedomstvodan.
Sonymen qatar, oblystyń stantsıonarynda 371 naýqas jatyr. Juqpaly aýrýlar aýrýhanasynda – 40, provızorlyqta – 97, karantındik statsıonarda – 234 adam jatyr. Al, úı karantıninde 792 adam bar.
