Aqmola oblysynda koronavırýs juqtyrǵandar sany sońǵy aptada ósti - bas dáriger
Basqarma basshysynyń aıtýynsha, Aqmola oblysyndaǵy epıdemıologııalyq jaǵdaı nasharlaı túsýde. Kún saıyn statsıonarlyq medıtsınalyq kómekke júginetin naýqastar sany artyp keledi.
«Koronavırýpen aýyratyn naýqastarǵa statsıonarlyq medıtsınalyq kómekti búginde 25 medıtsınalyq uıym kórsetedi. Infektsııa juqtyrǵandarǵa arnalǵan tósek oryn sany 2475-ke deıin keńeıtildi, onyń 1560-y nemese 63 paıyzynda naýqastar jatyr, reanımatsııalyq tósek oryn da 190-ǵa deıin ulǵaıtyldy. 161 naýqas jansaqtaý bóliminde em qabyldaýda», - dedi N. Syzdyqov.
Ol atap ótkendeı, óńirde ólim jaǵdaılarynyń sany da artyp keledi. Búgingi tańda aımaqta KVI-den 166 ólim tirkeldi. Qazir statsıonarlyq emde 1560 naýqas, 3762 naýqas ambýlatorlyq em qabyldaýda. Jalpy jaǵdaılardyń ishinen ózin - ózi júgingen kezde 17936 (57%), baılanysta bolǵandar arasynda - 10324 (33%), profılaktıkalyq skrınıng barysynda-3088 (10%) anyqtaldy. Sońǵy aptada óńirde COVID-19 - dyń 1822 jaǵdaıy tirkelgen, aldyńǵy aptada-1803 jaǵdaı, 19 jaǵdaıǵa ósim baıqalady.
Sonyen qatar, basqarma basshysy koronavırýs ınfektsııasyn juqtyrǵandardyń arasynda balalardyń da baryn atap ótti. Aýyr haldegi adamdardyń shamamen 40 paıyzy 50 jasqa deıingi adamdar. Balalar arasynda da aýrý jaǵdaılary bar, biraq, qazirgi kezde olardyń sany tómendegeni baıqalady. Oblystyq aýrýhananyń ınfektsııalyq statsıonaryndaǵy 15 tósek orynnyń tek altaýy ǵana jumys. Alaıda, aımaqta balalardy emdeý áli de jalǵasýda.
«Aqmola oblysynda bir táýlik ishinde koronavırýs ınfektsııasyn 265 jaǵdaıy tirkeldi, biraq mamandardyń pikirinshe, emhanalar men jedel járdem qyzmetine júgingenderdi eskergende naýqastardyń sany eki, úsh, múmkin bes esege kóp bolýy múmkin», - dep túıindedi óńirdiń bas dárigeri.