Aqmola oblysynda koronavırýs juqtyrǵan áıel buryn aýyrǵandarmen baılanysta bolǵan
NUR-SULTAN. QazAqparat – Búgin saǵat 09:25-tegi málimet boıynsha, Aqmola oblysynda bir adam koronavırýs juqtyrǵan.
«Zerthanalyq zertteý barysynda Tselınograd aýdanynda 1979 jylǵy áıel adamnyń koronavırýsty juqtyrǵany anyqtaldy. Ol ózine deıin vırýsty juqtyrǵan adammen baılanysta bolǵan. Tizbek boıynsha vırýs Nur-Sultan qalasynda ónerkásiptik kásiporynda jumys isteıtin adamnan taraǵan. Osyǵan deıin provızorlyq statsıonarda jatqan, endi Aqmola oblystyq týberkýlezge qarsy dıspanserinde emdeletin bolady»,-delingen Tótenshe jaǵdaı rejımin qamtamasyz etý jónindegiMemlekettik komıssııanyń jedel shtaby taratqan aqparatta.
Sondaı-au onda bekitilgen sanıtarlyq-epıdemıologııalyq tergeý boıynsha aýrý oshaqtary men baılanys ornatqan adamdarǵa qatysty epıdemııaǵa qarsy sharalar júrgiziletini aıtylǵan.
Vırýsty juqtyrýy yqtımal adamdardy anyqtaý úshin tergeý jumystary jalǵasady. Oblystyq statsıonarlarda 395 naýqas jatyr, onyń ishinde provızorlyq statsıonarda – 30, karantındik statsıonarda – 348, juqpaly aýrýlar statsıonarynda – 17.
«564 adam úı karantıni talaptaryn saqtap otyr. Qazirgi tańda oblysta vırýsty juqtyrǵan 110 adam tirkelgen, olardyń 97-si Tselınograd aýdanynda, qalǵandary Kókshetaý qalasy, Arshaly, Shortandy, Egindikól jáne Aqkól aýdandarynda tirkelgen. Jazylyp shyqqandar sany – 90»,-delingen habarlamada.
