Aqmola oblysynda koronavırýs ınfektsııasyna 89 044 test alyndy
KÓKShETAÝ. QazAqparat - Aqmola oblysynda koronavırýs ınfektsııasyna 89 044 test alyndy, dep habarlaıdy QazAqparat tilshisi oblystyq taýarlar men qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimeti boıynsha, óńirde sáýirdiń 17-nen bastap, PTR (polımerazdy tizbek reaktsııasy) ádisi boıynsha testileý naýqany júrgizilýde. Bastapqyda zertteý jumystary ulttyq saraptama ortalyǵynda júrgizilip, buǵan «Olımp» klınıkalyq-taldaý zerthanasy qosyldy.
«Naýqan bastalǵannan beri Aqmola oblysynda koronavırýs ınfektsııasyna 89 044 testileý júrgizildi. Onyń 57 438-i ulttyq saraptama ortalyǵynda, 4 785-i «Olımp» klınıkalyq-taldaý zerthanasynyń úlesinde. Búgingi kúni bul jumystarǵa Aqmola oblystyq týberkýlezge qarsy dıspanserniń zerthanasy jáne «Invıvo» JShS qosylyp otyr. Sonymen birge, Atbasar jáne Aqkól aýdandaryndaǵy veterınarlyq zerthanalar da tartylýda», - deıdi vedomstvodan.
Aqmola oblystyq taýarlar men qyzmetterdiń sapasy men qaýipsizdigin baqylaý departamentinen atap ótkendeı, test asqynǵan respıratorly vırýsty ınfektsııasyna shaldyqqandar, medıtsınalyq qyzmetkerlerdiń, jabyq jerlerde jumys isteıtin ujymdardyń, tirshilikti qamtamasyz etetin nysandar men mekemelerdiń, áleýmettik mekemelerdiń, kommýnaldyq qyzmetterdiń, dúkenderdiń, páter ıeleri kooperatıvteriniń, kólik mekemeleriniń jumysshylary tapsyrdy.
