Aqmola oblysynda koronavırýs ınfektsııasyn juqtyrǵandar sany azaıǵan
KÓKShETAÝ. QazAqparat - Aqmola oblysynda koronavırýs ınfektsııasyn juqtyrǵandardyń sany 0,9 paıyzǵa tómendegeni baıqalady, dep habarlaıdy QazAqparat tilshisi oblystyq sanıtarlyq-epıdemıologııalyq baqylaý departamentine silteme jasap.
Vedomstvonyń málimetinshe, 2020 jyldyń 1 qazany men 19 jeltoqsany aralyǵynda oblysta koronavırýs ınfektsııasy zerthanalyq rastalǵan 3086 jaǵdaıy jáne koronavırýs ınfektsııasy belgileri bar vırýstyq pnevmonııanyń 510 jaǵdaıy tirkeldi. 47,4 paıyz jaǵdaı (1462) ózi júgingen kezde, baılanysta bolǵandar arasynda 39,5 paıyz (1220), profılaktıkalyq skrınıng barysynda 13,1 paıyz (404) anyqtaldy. Statsıonarlarda 376 naýqas emdeý kýrsynan ótip jatsa, 559 adam ambýlatorııalyq medıtsınalyq kómek alýda.
«Sońǵy aptada, ıaǵnı 12-19 jeltoqsan aralyǵynda koronavırýs ınfektsııasyn juqtyrýdyń 437 jaǵdaıy tirkeldi. Naqtyraq aıtsaq, aldyńǵy aptada - 454 jaǵdaı, tómendeýi 0,9 paıyz. Táýligine sımptomdyq jáne sımptomsyz sany birdeı koronavırýs ınfektsııasy zerthanalyq rastalǵan 59 jaǵdaı tirkeldi», – dedi vedomstvodan.
Jiti respıratorlyq vırýstyq ınfektsııasy belgilerimen júgingen 20 adamda, baılanysta bolǵandar arasynda 32 adamda jáne kásibı tekserý kezinde 7 adamda koronavırýs ınfektsııasy anyqtaldy. Eresekter arasynda – 53 jaǵdaı, 14 jasqa deıingi balalar arasynda – 6 jaǵdaı tirkeldi. Bir táýlik ishinde 82 baılanysta bolǵan adam monıtorıngke alyndy. Naýqastardyń arasynda 1 sábı, 4 oqýshy, 2 medıtsına qyzmetkeri, 23 jumysshy, 15 zeınetker jáne basqa sanattaǵy 10 adam bar.
Jalpy, koronavırýs ınfektsııasyn juqtyrýdyń 30 jaǵdaıy Kókshetaý qalasynda, 11 jaǵdaıdan Sandyqtaý jáne Býrabaı aýdandarynda, 4 jaǵdaı Zerendi aýdanynda, 2 jaǵdaı Astrahan jáne 1 jaǵdaı Aqkól aýdandarynda tirkelip otyr.
