Aqmola oblysynda kóppáterli turǵyn úı órtenip, tórt otbasy dalada qaldy
KÓKShETAÝ. QazAqparat - Aqmola oblysynyń Býrabaı aýdanynda kóppáterli turǵyn úı órtenip, tórt otbasy dalada qaldy, dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, órt Şýche qalasynyń Nagornaıa kóshesiniń boıynda ornalasqan №20 tórt páterli turǵyn úıde bolǵan. Órt aýmaǵy 140 sharshy metrdi qurady.
«Tilsiz jaýdy aýyzdyqtaýǵa TJD jeke quramynan 20 qyzmetker jáne 4 tehnıka jumyldyryldy. Mert bolǵandar men zardap shekkender joq. Órttiń shyǵý sebep-saldary anyqtalyp jatyr» deıdi vedomstvodan.
