Aqmola oblysynda kópbalaly otbasylarǵa qoldaý kórsetý sharalary túsindirilýde

KÓKShETAÝ. QazAqparat – Kóp balaly otbasylarǵa memlekettik qoldaý kórsetý ataýly áleýmettik kómek berilip jatsa da óziniń ózektiligin joǵaltqan joq, dep habarlaıdy «QazAqparat» HAA.

Túsindirý jumystaryna Aqmola oblysy boıynsha memlekettik organdarmen birge qoǵamdyq uıymdar da tartyldy. Osylaısha ishki saıasat basqarmasynyń qoldaýymen «Otbasy mektebi» qoǵamdyq qory bıylǵy jyldyń qyrkúıek–qazan aılarynda quzyrly vedomstvolar ókilderi men kópbalaly analardyń kezdesýlerin turaqty túrde uıymdastyrýda.

Kókshetaýdaǵy 30 anaǵa mundaı kezdesý kezekti ret ótkizildi, oǵan áleýmettik qoldaý, ana men balany qorǵaý, bilim, mádenıet, jolaýshylar tasymaly jáne TKSh máseleleri boıynsha salalyq basqarmalardyń basshylary qatysty.

Іs-shara barysynda kóp balaly analar men otbasylarǵa memlekettik qoldaý salasyndaǵy zańnamalardy túsindirý jumystary júrgizildi.

Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Sholpan Rahmatýllına AÁK tóleý týraly jáne járdemaqyny qalaı resimdeý kerektigi týraly aıtyp berdi.

«AÁK-ni esepteýdiń basty baǵyty – eńbekke yntalandyrý jáne kelesi jyldan bastap otbasynyń barlyq eńbekke jaramdy músheleri jumys isteýi tıis, áıtpese AÁK tólemderi toqtatylady. Kómek ómirdiń qıyn jaǵdaıyna tap bolǵan jáne odan óz betinshe shyǵýǵa múmkindigi joq adamdarǵa taǵaıyndalýy kerek», - dep atap ótti Sholpan Salyqqyzy.

Sondaı-aq, kóp balaly otbasylardy qoldaýǵa baǵyttalǵan sharalar arasynda áleýmettik turǵyda qorǵalmaǵan jáne az qamtylǵan otbasylardan shyqqan balalardy 100% tegin ystyq tamaqpen qamtamasyz etý máselesi oń sheshimin tapty. Qazir mektepte tegin tamaqtanýǵa múmkindik bar, sondaı-aq tamaqpen qamtamasyz etýde shamamen 13 myń aqmolalyq oqýshyǵa jeńildik bar.

Óz kezeginde kóp balaly analar sarapshylarǵa ózderin tolǵandyryp júrgen suraqtaryn qoıyp, tolyq jaýaptar men túsiniktemeler aldy, máselelerdi sheshý boıynsha tapsyrmalar berildi jáne búgingi tańdaǵy problemalar baqylaýǵa alyndy. Kezdesý sońynda balalarǵa daıyndalǵan arnaıy tátti syılyqtar analar úshin kútpegen tosyn syı boldy.

Aıta ketý kerek, mundaı sharalar sońǵy eki aıda óńirdiń túrli eldi mekenderinde osymen 10-ret ótýde.