Aqmola oblysynda Qopa kólin tazartýǵa 12,1 mlrd teńge baǵyttalmaq

KÓKShETAÝ. QazAqparat - Keler jyly Kókshetaýdyń irgesindegi Qopa kólin tazartý jumystary bastalady. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev málim etti, dep habarlaıdy QazAqparat tilshisi.

Mınıstrdiń aıtýynsha, búgingi tańda Qopa kólin tazartý boıynsha jobalaý-smetalyq qujattama ázirlenýde.

«Joba memlekettik saraptamadan ótkennen keıin osy jumystarǵa bıýdjet qarajatyn bólýge bıýdjettik ótinim beriletin bolady. Jobanyń quny 12,1 mıllıard teńgege baǵalanyp otyr. Bul sharalar «Jasyl Qazaqstan» ulttyq jobasyna engizilgen. Eger jyl sońyna deıin jobalaý-smetalyq qujattama daıyn bolsa, onda 2023 jyldan bastap Qopa kólin tazartý jumystary bastalady», - dedi Kókshetaýda jýrnalıstermen ótken brıfıngide QR Ekologııa, geologııa jáne tabıǵı resýrstar mınıstri Serikqalı Brekeshev.

Mınıstr atap ótkendeı, Qopa kólinen bólek, Aqmola oblysynda Býrabaı, Şýche kólderin tazartý josparlanyp otyr.

S.Brekeshev sondaı-aq aldaǵy úsh jylda elimizde 9 jańa sý qoımasy salynatynyn aıtty.