Aqmola oblysynda kooperatsııalarǵa birikken sharýashylyqtar 25 myńǵa jetkiziledi

KÓKShETAÝ. QazAqparat - Aqmola oblysynda 2018 jyldyń josparynda qosymsha taǵy 28 aýyl sharýashylyǵy kooperatıvin qurý jáne kooperatsııalarǵa birikken jekemenshik sharýashylyqtardyń sanyn 25 myńǵa deıin jetkizý kózdelgen. 

Osylaısha, Memleket basshysynyń 5 jyl ishinde agroónerkásip kesheninde eńbek ónimdiligin 2,5 esege arttyrý baǵytyndaǵy  tapsyrmasyn oblysta oıdaǵydaı júzege asyrý múmkindigi bar. Bul týraly Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy talqylanǵan oblys aktıvinde aıtyldy.

Aktıvte aımaq basshysy Məlik Myrzalın atap ótkendeı, óńir áleýetiniń joǵary bolýy oblysty jáne elordany sapaly azyq-túlikpen qamtamasyz etýge, «Qazaqstanda jasalǵan» brendti respýblıkadan tys jerlerde jyljytýǵa múmkindik beredi.

Astana qalasynda «AQMOL» saýda jelisi quryldy jáne aýqymy keńeıe túsýde (2017 jyly jańa 3 pavılon  ashyldy, 2018 jyly taǵy 7-eýin ashý josparlanǵan), onda  elorda turǵyndaryna sapaly ári arzan azyq-túlik ónimderi usynylyp otyr.

Qazirgi tańda, oblysta azyq-túlik ónimderi boıynsha óńirlik brendpen shamamen 80 eksportshy kompanııa jumys isteıdi.

Et ónimderi boıynsha brendter - «Bakara» (Qorǵaljyn aýdanyndaǵy «Astana Agro Prodýkt» JShS), mramorly sıyr eti «KazBeef» (Býrabaı aýdanyndaǵy «KazBeef» JShS), «Kýrochka Rıaba» (Tselınograd aýdanyndaǵy «Capital Projects LTD»), «Zorkın Lýg», «Sadovoe» saýda brendimen sút ónimderi (Zerendi aýdanyndaǵy «Mılk Prodjekt» JShS) Reseıdiń óńirlerine eksporttalady.

«QazGer qus» kompanııasynyń (Birjan sal aýdany) ónimderi Ortalyq Azııa (Tájikstan, Túrikmenstan) jáne Taıaý Shyǵys, (Pákistan) Saýd Aravııasy ámirlikteriniń naryǵyna jetkiziledi.

«Atbasar» brendimen un (Atbasar aýdanyndaǵy «Inter Trade» JShS) jáne «Bota-2015» JShS-niń (Býrabaı aýdany) ósimdik maıy Qytaı Halyq Respýblıkasyna saýdaǵa shyǵarylady.

«Jaqyn ýaqytta elimizde ulttyq brendterdiń tizimin qalyptastyrý josparlanǵan, sondyqtan, men ózimizdiń iri taýaróndirýshilerdi atalǵan tizimnen kóriný úshin belsendi jumys isteýge shaqyramyn.

Aýyl sharýashylyǵy salasyndaǵy óndiriste aýa raıy jaǵdaıynyń áser etýin azaıtý maqsatynda aǵyn sýlardy paıdalaný arqyly jaıylymdardy sýlandyrý boıynsha jumystar júrgizilýde.

Osy maqsatta 2017-2025 jyldarǵa arnalǵan aǵyn sýlardy retteý, jınaý jáne saqtaý boıynsha jospar júzege asyryla bastady. Osynyń sheńberinde oblys boıynsha 11 shara qarastyrylǵan. Onyń ishinde eń irisi Tselınograd aýanyndaǵy quny 670 mıllıon teńge «Alva» jaıylma sýlandyrý júıesin qalpyna keltirý bolyp tabylady.

Astana qalasy, Aqmola, Qostanaı jáne Soltústik Qazaqstan oblystarynda balamaly sýmen qamtamasyz etý úshin Úkimet tarapynan Buzylyq sý qoımasynyń qurylysyn júrgizý máselesi qoldaý tapty (syıymdylyǵy 1 mıllıard tekshe metrden astam). Bul qosymsha 25 gektardan astam jaıylma jerlerdi aınalymǵa engizýge múmkindik beredi», - dedi aımaq basshysy.