Aqmola oblysynda qonaqúı órtendi
KÓKShETAÝ. QazAqparat - Aqmola oblysynyń Býrabaı aýdanynda qonaqúıden órt shyqty, dep habarlaıdy «QazAqparat» HAA tilshisi aımaqtyq TJD-nyń baspasóz qyzmetine silteme jasap.
TJD málimeti boıynsha, órt 18 maýsym kúni túngi 04:58 shamasynda Şýchınsk qalasynan 9 shaqyrym qashyqtyqta ornalasqan kýrortty aýmaqtaǵy «Alataý» qonaqúıinde boldy.
«Tilsiz jaýdy aýyzdyqtaýǵa aımaqtyq TJD-nyń jeke quramynan 40 adam men 7 tehnıka jumyldyryldy. Jalyn aýmaǵy 400 sharshy metrdi qurady. Órtten ǵımarattyń qabyrǵasy búlindi. Zardap shekkender joq», - dep kórsetilgen habarlamada.
