Aqmola oblysynda qonaqta otyrǵanda óńeshine et turyp qalǵan er adam qaıtys boldy

KÓKShETAÝ. QazAqparat - Aqmola oblysynda qonaqqa barǵan er adam óńeshine et turyp qalyp kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, jazataıym oqıǵa Sandyqtaý aýdanynda bolǵan.

«Naýryzdyń 22-de Sandyqtaý aýdandyq polıtsııa bólimine aýyldardyń birinde 55 jastaǵy astanalyqtyń kóz jumǵany týraly habar tústi. Birge bolǵandardyń sózinshe, er adam tamaqtaný kezinde etke shashalyp qalǵan. Aldyn ala málimetke sensek, er adamnyń ólimi tynys alý joldarynda turyp qalǵan taǵamǵa baılanysty mehanıkalyq asfıksııa saldarynan boldy. Ol Sandyqtaý aýdanyna qonaqqa kelgen. Onyń óliminiń naqty sebebi sot-medıtsınalyq saraptama qorytyndysy barysynda anyqtalady», - dedi vedomstvodan.

Aıta ketsek, munyń aldynda Aqmola oblysyndaǵy shahtada zańsyz altyn izdeýshiniń ólimi tirkelgen edi.