Aqmola oblysynda kómir tıegen júk poıyzynyń 4 vagony relsten shyǵyp ketti

dep habarlaıdy elimizdiń Tótenshe jaǵdaılar mınıstrliginiń baspasóz qyzmeti.

Apat aqpannyń 7-si, jeksenbi kúni tańerteń Shortandy aýdanyna qarasty Tóńkeris stansysynda oryn alǵan. Mınıstrliktiń aqparatyna sáıkes, № 1613 júk poezy Ekibastuzdan Reseı Federatsııasynyń Presnogorkovsk qalasyna ketip bara jatqan.

«Zardap shekkender men qaza tapqandar joq. Apat temir jol kóligi qozǵalysyna esh kedergi keltirmedi», delingen baspasóz habarlamasynda.

Apat saldaryn qalpyna keltirý jumystary sol kúni-aq Astana qalasynyń apattyq qalpyna keltirý poıyzy men 25 mamanynyń kúshimen tolyq aıaqtaldy.