Aqmola oblysynda kómir alýǵa barǵan qarııanyń ólimi tergelýde
KÓKShETAÝ. QazAqparat - Aqmola oblysynyń Atbasar qalasynda kómir bazasyndaǵy qarııanyń ólimine baılanysty qylmystyq is qozǵalyp, tergeý amaldary júrgizilýde, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetishe, qyrkúıektiń 22-de Atbasar aýdandyq PB kezekshilik bólimine jergilikti JShS dırektory habarlasyp, temirjol tuıyǵynda kómir kótergish tehnıkanyń júrgizýshisi abaısyzda qarııany basyp ketkenin aıtty.
«Oqıǵa ornyna jetken polıtsııa qyzmetkerleri anyqtaǵandaı, saǵat 15:30 shamasynda Atbasar qalasynyń 77 jastaǵy turǵyny JShS aýmaǵyna kómir alýǵa barǵan. «Zıl» kóligine kómir artqan «ZL 50» kótergishiniń 37 jastaǵy júrgizýshisi artqa shegingen kezde qarııany abaısyzda basyp ketedi. Qarııa oqıǵa ornynda til qatpastan kóz jumdy. Osy oqıǵaǵa baılanysty QR QK 345 babynyń 3 bóligi boıynsha is qozǵalyp, sotqa deıingi tergeý amaldary júrgizilýde», deıdi vedomstvonyń baspasóz qyzmetindegiler.
