Aqmola oblysynda qolónershiler erekshe chellendj bastady
KÓKShETAÝ. QazAqparat - Aqmola oblysynda qolóner sheberleriniń erekshe «Qol jumysynyń patshaıymy» atty shyǵarmashylyq chellendj iske qosyldy. Onda qyzdar ózderi jasaǵan nemese qolóner materıaldarynan jasalǵan tájdi áleýmettik jelige júkteýde, dep habarlaıdy QazAqparat tilshisi.
Osyndaı erekshe shyǵarmashylyq chellendjdi iske qosý úshin Aqmola oblysyndaǵy qolóner sheberleriniń «Palıtra Sınegorıa» uıymynyń basshysy Elena Andronıak Qazaqstan jáne taıaý shet elderdiń sheberlerine usynys bildirgen.
«Adamnyń shyǵarmashylyq lázzatynan artyq ne bar? Bul - qolóner buıymdaryn jasaıtyn materıaldar nemese daıyn ónimder. Sońǵy 5 jylda men aralasyp júrgen kóptegen qolóner sheberleri bar. Olarmen qarym-qatynas jasaý arqyly tájirıbe almasyp, shyǵarmashylyǵyńdy shyńdaı túsesiń. Sondyqtan, maǵan shyǵarmashylyq chellendjdi iske qosý týraly oı keldi. Qolóner materıaldarynan táj jasaýǵa kez kelgen qolónershiniń shyǵarmashylyǵy jetedi. Budan bir keremet shedevr jasap shyǵarsa, artyq emes. Nemese daıyn ónimnen pashtaıymnyń bas kıimin qurastyrýǵa bolady», - dep óz oıymen bólisti E.Andronıak uıymnyń áleýmettik jelidegi paraqshasynda jáne onda jipter oramasynan jasaǵan tájdiń sýretin qoıdy.
Aqmola oblysy sheberleriniń usynysyna ózge qalalardaǵy qolóner sheberleri de qyzyǵýshylyq tanytýda.
«Bizdiń qolymyz zerigip, bos otyrýǵa arnalmaǵan, sol sebepti shyǵarmashylyq chellendjge qatysyp, óner kórsetip, lázzat alyp jatyrmyz», - dep jazady chellendjge qatysýshy rýdnyılyq Dana esimdi sheber.
Qatysýshylardyń baıqaýǵa usynǵan jumystaryn #korolevahandmade nemese #korolhandmade heshtegteri boıynsha baqylap otyrýǵa bolady.
E. Andronıaktiń aıtýynsha, chellendj aldaǵy 1-2 aıǵa sozylady. Sodan keıin baıqaý jeńimpazdary anyqtalady. Júldege jeńimpazdyń ózi qalaǵan shyǵarmashylyq materıaly beriledi.
