Aqmola oblysynda kólik qozǵalysyna shekteý engizilmek
KÓKShETAÝ. QazAqparat - Aqmola oblysynda kólik qozǵalysyna ýaqytsha shekteý engizilmek, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.
Oblys aýmaǵynda 23 naýryz ben 1 mamyr aralyǵynda jeke bilikke túsetin júktemesi 8 tonnadan artyq avtokólik quraldarynyń qozǵalysyna shekteý engiziledi.
Aıta ketý kerek, mundaı shekteýler Qazaqstan Respýblıkasynyń barlyq aımaqtarynda engiziletin bolady. Qazaqstan Respýblıkasy Kólik jáne kommýnıkatsııa mınıstriniń 2013 jylǵy 11 naýryzdaǵy № 162 «Qazaqstan Respýblıkasynyń jalpy paıdalanymdaǵy respýblıkalyq mańyzy bar avtomobıl joldary boıynsha avtokólik quraldarynyń qozǵalysyn uıymdastyrý týraly» buıryǵyna sáıkes Qazaqstan Respýblıkasynyń respýblıkalyq mańyzy bar avtomobıl joldary boıynsha avtokólik quraldarynyń qozǵalysyn uıymdastyrý IV jáne V jol-klımattyq aımaqqa bólingen.
IV jol - klımattyq aımaqta ornalasqan Aqmola oblysy, Aqtóbe oblysy, Shyǵys Qazaqstan oblysy, Batys Qazaqstan oblysy, Qaraǵandy oblysy, Qostanaı oblysy, Pavlodar oblysy, Soltústik Qazaqstan oblystary úshin 23 naýryz ben 1 mamyr aralyǵynda qozǵalysqa ýaqytsha shekteýler qoıylady.
V jol-klımattyq aımaqqa Almaty oblysy, Atyraý oblysy, Jambyl oblysy, Qaraǵandy oblysy, Qyzylorda oblysy, Mańǵystaý oblysy, Ońtústik Qazaqstan oblystary kiredi. Ýaqytsha qozǵalysty shekteý 1 naýryzdan 1 sáýir aralyǵynda engiziledi.
Jeke bilikke túsetin júktemesi 8 tonnadan artyq avtokólik quraldarynyń qozǵalysyna ýaqytsha shekteý jyl saıynǵy kestege saı engiziledi.
