Aqmola oblysynda kólik qozǵalysy qaıta jandandy - KKM
ASTANA. 5 sáýir. QazAqparat - Búgin saǵat 15.00-den bastap Aqmola oblysynda RF shekarasy (Ekaterınbor) - Almaty avtojolynyń budan buryn jabyq dep jarııalanǵan Jaqsy aýyly - Soltústik Qazaqstan oblysynyń shekarasy
(Chıstopole aýylyna qaraı, 856-916 km) ýchaskesinde kólik qatynasy qaıta jandandy. Bul týraly Kólik jáne kommýnıkatsııa mınıstrliginiń baspasóz qyzmeti habarlady.
Sonymen qatar, búgin saǵat 15.30-dan bastap Shyǵys Qazaqstan oblysynda aýa raıynyń qolaısyzdyǵy (qar, boran, qatty jel) jáne joldyń nashar kórinýi saldarynan Óskemen - Zyrıan - Rahmanov bulaqtary avtojolynyń Ushanov aýyly - Zyrıank aýyly (6-164 km) ýchaskesinde avtokóliktiń barlyq túrine jol júrýge tyıym salyndy.
QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi, baılanys telefony (7172) 44-46-85. Sonymen qatar, joldar jónindegi shuǵyl aqparat www.mtk.gov.kz, www.kad.gov.kz, www.kazavtodor.kz saıttarynda jarııalanady.
