Aqmola oblysynda kólik qaqqan jasóspirim aýrýhanaǵa tústi

KÓKShETAÝ. QazAqparat – Aqmola oblysynda 17 jastaǵy qyzdy kólik qaǵyp ketti, dep habarlaıdy QazAqparat tilshisi oblystyq PD baspasóz qyzmetine silteme jasaı otyryp.

Vedomstvonyń málimetinshe, 22 tamyzda saǵat 21:30 shamasynda Tselınograd aýdandyq PB kezekshi bólimine Ybyraı Altynsarın aýylynyń Abaı kóshesinde jol-kólik oqıǵasy bolǵany týraly habar tústi.

Anyqtalǵandaı, Abaı kóshesimen júrip kele jatqan «Lada Kalina» kóliginiń 41 jastaǵy júrgizýshisi joldyń shetinde ketip bara jatqan jaıaý júrginshini soǵyp ketken. Saldarynan 17 jastaǵy jasósipirim túrli dene jaraqatymen aýrýhanaǵa jatqyzyldy.

«Qazir Qylmystyq kodekstiń 345-babynyń 2-bóligi boıynsha «kólik quraldaryn basqaratyn adamdardyń jol qozǵalysy jáne kólik quraldaryn paıdalaný erejelerin buzýy» boıynsha qylmystyq is qozǵalyp, saraptama taǵaıyndaldy», - dedi vedomstvodan.

Aıta ketsek, budan buryn Aqmola oblysynda jaıaý júrginshini soqqan mototsıklıst komada jatqanyn jazǵan edik.