Aqmola oblysynda kóliginde avtokreslo bolmaǵan 1000-nan astam júrgizýshi jazalandy

KÓKShETAÝ. QazAqparat – 2020 jyly Aqmola oblysynda 1000-nan astam júrgizýshi avtokólikte balaǵa arnalǵan oryndyqtar bolmaǵany úshin jaýapqa tartyldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Vedomstvonyń málimetinshe, ótken jyly óńirde balalar zardap shekken 100-den astam jol-kólik oqıǵasy oryn alǵan. Ondan 144 bala túrli dene jaraqattaryn alypty.

«Patrýldik polıtsııa batalonynyń qyzmetkerleri avtokólik quraldarynyń salonynda balalardy tasymaldaý erejeleriniń saqtalýyn baqylaý boıynsha is-shara ótkizip turady. Ótken jyly 1000-nan astam júrgizýshi arnaıy arnaıy qurylǵylarsyz balalardy tasymaldaǵany úshin ákimshilik jaýapqa tartyldy», - dedi vedomstvodan.

QR «Jol qozǵalysy týraly» zańynyń talaptaryna sáıkes, avtokólik júrgizýshilerine 12 jasqa deıingi balalardy kólik salonynda arnaıy ustap turatyn qurylǵy nemese kólik quralynyń konstrýktsııasynda kózdelgen qaýipsizdik beldiginiń kómegimen ǵana tasymaldaýǵa ruqsat etiledi.