Aqmola oblysynda qolǵa arnalǵan antıseptık shyǵaryla bastady
KÓKShETAÝ. QazAqparat – Aqmola oblysynda qolǵa arnalǵan antıseptık shyǵaryla bastady, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimetinshe, Kókshetaý qalasyndaǵy «Turmystyq hımııa zaýyty» jaýapkershiligi seriktestiginiń ekologııalyq taza ónimine jurttyń suranysy joǵary. Zaýytta qazaqstannyń soltústik óńirlerine turmystyq hımııalyq zattarynyń birneshe túri shyǵarylady.
Elimizde koronavırýs pademııasyna qatysty kúrdelengen jaǵdaıǵa baılanysty jergilikti zaýyt qolǵa arnalǵan antıseptık shyǵary bastady.
«Bizdiń zaýyt qysqa merzim ishinde bakterııaǵa qarsy jáne qolǵa arnalǵan antıseptık shyǵarýǵa beıimdelip, óndiristi iske qosty. Qazirgi kezde, «Esil» áleýmettik kásipkerlik korporatsııasy UK» AQ Basqarmasymen 15 myń lıtr antıseptıkalyq ónimge kelisim-shart jasadyq. Óndiris tolyq qýatymen jumys isteýde», - deıdi zaýyt basshysy Farýk Qurmaev.
Kásiporyn basshysynyń aıtýynsha, qolǵa arnalǵan antıseptıktiń quramynda dezınfektsııa jasatyn kontsentrat, jergilikti Aıdabol spırti, glıtseron, ıistendirgish jáne spetsıfıkalyq qospa bar. Kásiporyn aıyna 60 myń lıtr ónim shyǵarady. 1, 5 lıtr jáne 220 mıllılıtrlik qutyǵa quıylǵan antıseptıktiń bir lıtri 1500 teńge turady. Bul óńirdegi eń arzan qolǵa arnalǵan antıseptık.
