Aqmola oblysynda Qola dáýirinde jerlengen adamnyń súıekteri tabyldy

KÓKShETAÝ. QazAqparat - Aqmola oblysynda «Qazynaly qazba - ult qundylyǵy» jobasy aıasynda júrgizilgen arheologııalyq qazba jumystary kezinde Qola dáýirinde jerlengen adamnyń súıekteri men áshekeı buıymdary tabyldy, dep habarlaıdy QazAqparat tilshisi.

Aqmola oblysy mádenıet basqarmasynyń Tarıhı-mádenı murany qorǵaý jáne paıdalaný ortalyǵy mamandarynyń aıtýynsha, Qyzyluıym aýyly mańyndaǵy qorǵandy qazý barysynda, ońtústik sektordaǵy sur daqty ashý kezinde 1,7h0.65 m adamnyń jerlengeni anyqtaldy. Adam súıegi oń jaǵymen, basy soltústik-batysqa qaraı qaratyp, qol-aıaǵy búgilgen kúıde ornalasqan.

«Nashar saqtalǵan osteologııalyq qaldyqtar tabyldy, onyń ishinde bas súıektiń bólikteri, bilek súıekteri, aıaqtyń tirsek súıekteri, azdap jambas súıekteri jarym-jartylaı saqtalǵan. Súıek qaldyqtarynyń moıyn bóliginde 20-dan astam pastaly monshaqtary (alqa) tabyldy. Jerleý erekshelikterine súıene otyryp, ýaqyt kezeńi qola dáýirine jatady dep boljaýǵa bolady (b.z.d. alǵashqy 1-2 myń jyldyq). Bul nusqanyń tolyq rastalýy qorǵandy tolyq zerttep, tabylǵan jádigerlerge tıisti taldaý júrgizgennen keıin belgili bolady», - dep túsindirdi ortalyq mamandary.

Aıta ketsek, budan buryn Aqmola oblysynda artıllerııalyq snarıad tabylǵanyn jazǵan edik.