Aqmola oblysynda qoqys tastaıtyn 130 polıgonnyń 28-i ǵana jumys isteıdi
KÓKShETAÝ. QazAqparat - Aqmola oblysynda qatty turmystyq qaldyqtardy tastaıtyn 130 palıgonnyń 28-i ǵana jumys isteıdi. Al, Aqkól, Arshaly, Zerendi, Qorǵaljyn jáne Býrabaı aýdandarynda mundaı polıgon múldem joq, dep habarlaıdy QazAqparat tilshisi óńirlik kásipkerler palatasyna silteme jasap.
Vedomstvonyń málimeti boıynsha, Aqmola oblysynyń kásipkerler quqyǵyn qorǵaý jáne jemqorlyqqa qarsy is-qımyl boıynsha keńes otyrysynda ekologııa máselesi qaraldy.
Bıylǵy jyly Aqmola oblysynyń prokýratýrasy júrgizgen tekseristiń nátıjesinde ártúrli organdar men uıymdarǵa zańbuzýshylyqty joıý týraly 32 usynys joldandy, 31 tulǵa ákimshilik jáne 12 tulǵa tártiptik jaýapkershilikke tartyldy.
«Munymen problema tolyq sheshilgen joq. Resmı tirkelgen polıgondar jetispeıdi. Oblys boıynsha qatty turmystyq qaldyqtardy tastaıtyn 130 palıgonnyń 28-i ǵana jumys isteıdi. Al, Aqkól, Arshaly, Zerendi, Qorǵaljyn jáne Býrabaı aýdandarynda mundaı polıgon múldem joq. Esesine zańmen tyıym salǵan jasandy qoqys tastaıtyn oryndar kóp. Sol sebepti jergilikti atqarýshy organdar tarapynan bul másele sheshilmegendikten, kommýnaldyq kásiporyndar jasandy polıgondarǵa amalsyzdan qoqys tógýge májbúr», - dep túsindirdi vedomstvodan.
Degenmen, óńirlik kəsipkerler palatasynyń málimetinshe, bul «qoqys» jumysyn retke keltirýge nıetti kəsipkerler de bar kórinedi.
Məselen, «Balkashınskıı Kommýnalşık» JShS-niń basshysy Ksenııa Vostrıkova 2015 jyly Sandyqtaý aýdanynyń profıldi qyzmetimen Balkashın aýylynda qatty turmystyq qaldyqtardy joıý úshin polıgondy ustaý jəne qyzmet kórsetý týraly kelisimshartqa turdy. Osyǵan sáıkes kəsiporyn ruqsat beretin qujattardy aldy. Keıin quzyretti organ budan birqatar zań buzýshylyqtardy anyqtap, kelisimsharttyń kúshin joıdy. Al, qoqys jınaý jəne joıý fýnktsııalaryn «Sandyqtaý-Sý» memlekettik kásipornyna berdi.
««Sandyqtaý-Sý» memlekettik kásiporny qoqys jınap, óńdeýmen jáne sý taratýmen aınalysady. Kásiporynnyń qoqys jınap, óńdeýge quzyrettiligi ári «Balkashınskıı Kommýnalşık» JShS salystyrǵanda tıisti ekologııalyq ruqsaty joq. Prokýratýra bul zańbuzýshylyqty anyqtap, kásiporynǵa aıyppul saldy», dep atap ótti vedomstvodan.
Keńeste Sandyqtaý aýdanynyń jergilikti atqarýshy organdarynyń pikirleri tyńdaldy. Aýdandyq turǵyn úı-kommýnaldyq sharýashylyǵy bóliminiń basshysy Vadım Mıronovtyń aıtýynsha, qazirgi kezde aýdandyq qyzmettermen bul isti básekelestik ortaǵa berý boıynsha daıyndyq sharalary júrgizilýde. Osy baǵytta baıqaý jaqyn ýaqytta ótkizilmek.
«Keńes músheleri jetkizip berýishini kásipkerlik sýbektileri arasynan tańdaýdy jón dep sheship, tıisti rezolıýtsııa qabyldady. Keńes bul máseleni baqylaýǵa alatyn bolady», dep túıindedi óńirlik kásipkerler palatasynyń baspasóz qyzmeti.
