Aqmola oblysynda kóktemgi sý tasqynynyń zardaptary joıylýda
KÓKShETAÝ. QazAqparat - Aqmola oblysynda kóktemgi sý tasqynynyń zardaptary joıylýda, dep habarlaıdy «QazAqparat» HAA tilshisi.
Eske sala keteıik, aǵymdaǵy jyldyń kókteminde oblys aýmaǵyndaǵy 119 eldi mekende 23251 adam turatyn 5901 úıdi sý aldy.
Eń qıyn jaǵdaı Atbasar qalasy men Sandyqtaý aýdanynda boldy. Sý alýy múmkin aýmaqtarda qoldanylǵan sharalardyń arqasynda 4921 úıli 84 eldi meken qutqaryldy. Eldi mekenderdegi 34 mərte bolǵan sý tasqyny saldarynan 839 úıdi sý alyp, 3010 turǵyn kóshirildi, 7258 bastan astam mal qaýipsiz aýmaqqa shyǵaryldy. Sý tasqynynan tıimdi qorǵaýmaqsatynda, sondaı-aq, oblys aýmaǵyndaǵy ərtúrli sý alý múmkindiginiń aldyn alý úshin uzyndyǵy 33879 metr ýaqytsha bóget turǵyzyldy, ınertti materıaldar salynǵan 170539 qap qalandy, 497806 tekshe metr sý soryldy. Muz keptelisin boldyrmaý maqsatynda Astrahan, Atbasar, Bulandy, Sandyqtaý, Tselınograd jəne Shortandy aýdandaryndaǵy ózenderdiń muzyn jarý jumysy júrgizildi. Búgingi tańda turǵyn úı məselesin sheshý baǵytynda birqatar jumystar atqaryldy.
Atbasar aýdany
650-den astam nysan tekserilip, 467 turǵyn úı apatty jaǵdaıda dep tanyldy. 36 úı qulap qalǵan. 168 úıdi jóndeý qajet. Shyǵyn somasy 165 mıllıon teńgeni quraıdy. Tótenshe jaǵdaılar saldaryn joıýǵa qajetti boljamdy soma 6 076,6 mıllıon teńge. 45 pəterlik 12 turǵyn úı qurylysynyń jobalyq-smetalyq qujattamasyn jasaýǵa 41,199 mıllıon teńge qarastyrylýda. Jobany «Gorselproekt» seriktestigi jasaıdy. Joba saraptamadan bıylǵy jyldyń 18 maýsymynda ótkiziledi. 45 pəterlik 12 turǵyn úı qurylysynyń boljamdy baǵasy 3960 mıllıon teńgeni quraıdy. Jaıly 45 pəterlik bir turǵyn úıdiń jalpy alańy 2352 sharshy metr. Bir sharshy metriniń quny 140 myń teńge. Bıylǵy jyldyń 16 mamyrynda bıýdjettik ótinim berildi.
Sandyqtaý aýdany
252 turǵyn úı tekserildi. Qaıtadan qalpyna keltirýge kelmeıtin 39 úı apat- ty jaǵdaıda dep tanyldy. 213 úı boıynsha saraptaý komıssııasynyń baǵasy kútilýde. Shyǵyn somasy 70 mıllıon teńgeni quraıdy. Bıylǵy jyldyń 19 mamyrynda 240 otbasyn qoldaý sharalaryna 28 mıllıon teńge mólsherinde bıýdjettik ótinim berildi. Tselınograd aýdany Aýdan aýmaǵyndaǵy bıylǵy sý tasqyny kezinde Semenovka selosy qatty zardap shekti. 28 turǵyn úıdi sý aldy. Onyń ishinde eki úı apatty jaǵdaıda dep tanyldy. Bir úıdiń irgetasyn qalpyna keltirý, ózge 25 úıdi jóndeýden ótkizý qajet. Barlyq úıdiń komıssııalyq zertteý jəne aqaý aktileri bar. Búgingi tańda shyǵyn somasy eseptelýde. Bıýdjettik ótinim berilgen joq.
