Aqmola oblysynda kóktemgi sý tasqynynyń aldyn alý úshin ne istelip jatyr
Vedomstvonyń málimetinshe, óńirde sý tasqynyna daıyndyq 2020 jyldyń jaz mezgilinde bastaldy.
Injenerlik qorǵaý boıynsha josparǵa sáıkes sý basý qaýpi bar 43 eldi mekende 47,1 km sý burý arnalaryn jaılastyrý, 24,4 km ózen arnasyn tazartý, 50 sý ótkizý qurylysyn ornatý jáne jóndeý jumysy júrgizildi.
Tótenshe jaǵdaı departamenti jekelegen aýdandarda qar shyǵarý jáne sý aǵatyn kanaldyq júıelerdi, ınertti materıaldar qoryn, sý ótkizý qubyryn tazartý boıynsha belsendi jumystyń jetkiliksizdigin atap ótti.
Osy rette Ermek Marjyqpaev aýdan ákimderiniń nazaryn óńirlerdiń daıyndyǵy boıynsha barlyq sharalardy qabyldaýdyń mańyzdylyǵyna aýdaryp, kóktemgi sý tasqynyna daıyndyqty kúsheıtýge tapsyrdy.
«Bógetterdiń jaı-kúıin, ózen arnalaryndaǵy sý deńgeıin táýlik boıy baqylaý, ınjenerlik jáne sý aıdaý tehnıkasyn daıyndaý qajet. Halyqpen túsindirý jumystary da ýaqtyly júrgizilýi tıis», - dedi oblys ákimi.
Kún tártibi boıynsha «Nurly jer» turǵyn úı qurylysy baǵdarlamasyn iske asyrý máselesi de qaraldy.
Oblysta baǵdarlamany iske asyrý jyldarynda 2 mıllıon sharshy metrden astam turǵyn úı tapsyryldy, sonyń nátıjesinde 18 myńǵa jýyq aqmolalyq otbasy baspana máselesin sheshti. 2020 jyldyń qorytyndysy boıynsha oblysta 574 myń sharshy metr turǵyn úı paıdalanýǵa berildi. Jyldyq jospar 7,4 paıyz artyǵymen oryndaldy.
Bul rette, óńir basshysy turǵyn úı qurylysy men paıdalanýǵa berýdiń josparlanǵan kóleminiń buzylýyna jol berilmeıtinine nazar aýdardy.
Infraqurylymnyń daıyn bolmaýynan jobalyq-smetalyq qujat boıynsha qurylysqa bólingen qarajat ýaqtyly ıgerilmeıdi qalady.
«Búgingi kúni turǵyn úı máselesi birinshi kezekte tur. Aldaǵy ýaqytta da páterge suranys óse beredi. Bul rette turǵyn úı sapasyna basty kóńil bólinýi tıis», - dep túıindedi Ermek Marjyqpaev.