Aqmola oblysynda kóktemgi egis jumystary bastaldy
KÓKShETAÝ. QazAqparat - Aqmolalyq dıqandar kóktemgi egis jumystaryna qyzý kiristi, dep habarlaıdy QazAqparat tilshisi oblystyq aýyl sharýashylyǵy basqarmasynyń baspasóz qyzmetine silteme jasap.
«Bıylǵy jyly oblys boıynsha egisti 4,7 mıllıon gektardan astam alqapta júrgizý josparlanǵan. Onyń 4,3 mıllıon gektaryna dándi daqyldar sebiledi. Ońtaılandyrý aıasynda negizgi azyq-túlik daqyly-jazdyq bıdaı 3,7 mıllıon gektar alqapty quraıdy. Oǵan qosa, 258,4 myń gektarǵa maıly daqyldar sebý josparda bar. Azyqtyq daqyldar 644 myń gektar alqapqa sebiledi. Bul ótken jylǵy deńgeıden 47 myń gektarǵa kóp.
Naýqanǵa 15,2 myń traktor men 16,5 myń dana egis seıalkalary jáne 1201 joǵary ónimdi egis keshenderi qatystyrylýda. Jumys josparyna sáıkes, oblysta kóktemgi egis jumystaryn 20 kúnniń ishinde aıaqtaý kózdelip otyr, dep túsindirdi baspasóz qyzmetindegiler.
Eske sala keteıik, ótken jyly kóktemgi dala jumystary jáne oraq naýqany uıymshyldyqpen ótkizilip, zamanaýı tehnologııalardyń engizilýiniń arqasynda oblystyń agrarshylary gektar berekesin 12 tsentnerden aınaldyryp 5,1 mıllıon tonna ónim jınaǵan bolatyn.
Foto: static.apk-news.ru
