Aqmola oblysynda kóktemge daıyndyq jumystary júrgizildi
KÓKShETAÝ. QazAqparat - Aqmola oblysynyń aýmaǵyndaǵy ózenderde jarylys jumystaryn júrgizý aıaqtaldy.
Bul málimetpen Sandyqtaý aýdanynda ótken baspasóz týrynda Tótenshe jaǵdaılar departamentiniń bastyǵy Alekseı Sovetov bólisti, dep habarlaıdy Aqmola oblystyq óńirlik kommýnıkatsııalar qyzmeti.
Sandyqtaý aýdanynyń aýmaǵyn 2019 jyldyń kóktemine daıyndaý úshin aýdandyq tótenshe jaǵdaılar jónindegi komıssııanyń otyrysy, sondaı-aq, Balkashınodaǵy Jabaı ózeniniń tóbesindegi shuńqyrlardy bólip tastaý maqsatynda senbilik ótkizilgen. Bul baǵyttaǵy jumystar áli de jalǵasýda.
Jalpy, kestege sáıkes jarylys jumystary 4500 sharshy metr aýmaqta júzege asyrylady jep josparlanǵan.
Sandyqtaý, Balkashıno jáne Maksımovka eldi mekenderindegi sý tasqynynyń bastalýymen Jabaı ózeniniń sý deńgeıin qadaǵalaý úshin táýlik boıǵy kezekshilik pen ýaqytsha baqylaý stantsııalary da ornatylǵan.
Sý tasqyny kezinde zardap shekken eldi mekenderdiń medıtsınalyq mekemeleri dárilik zattar men medıtsınalyq buıymdarmen qamtamasyz etilgen.
Osy is-sharalar aıasynda Balkashıno aýylynyń aýmaǵynan kósheler men alleıalardy tazartý jáne qar tazalaý jumystary júrgizilýde.
«BVR tehnoservıs» JShS burǵylaý jáne arnaıy jarylys jasaý óndirisiniń dırektory Halıl Ahmetzıanovtyń aıtýynsha, ózenderdegi jarylys jumystary 13 naýryzdan bastalǵan. Kúni búginge deıin birneshe eldi mekende jumystaryn júrgizgen brıgada Balkashıno men Sandyqtaý jerinde shamamen 2000 sharshy metr muz jarǵan.
Aıta ketken jón, ótken jylmen salystyrǵanda bıylǵy qar 15-20 % kóbirek. Sondyqtan, sý tasqyny da ótken jylǵa qaraǵanda qarqyndy bolýy múmkin dep kútilýde.
