Aqmola oblysynda «Kóktem – 2021» oqý-jattyǵýy ótip jatyr
KÓKShETAÝ. QazAqparat – Aqmola oblysynda «Kóktem – 2021» oqý-jattyǵýy ótip jatyr, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, shara maqsaty – kóktemgi sý tasqyny saldarynan týyndaıtyn tótenshe jaǵdaılardyń zardabyn joıý kezindegi is-qımyl jáne azamattyq qorǵanys júıesiniń daıyndyǵyn anyqtaý. Oǵan Tótenshe jaǵdaılar departamentiniń aýmaqtyq bólimsheleri jáne azamattyq qorǵanys qurylymdary, oblystyq azamattyq qorǵaý qyzmetteri, QR Ulttyq ulanynyń 5510 áskerı bólimi, jergilikti atqarýshy organdar, kásiporyndar men uıymdardyń ókilderi tartyldy.
Oblystyq oqý-jattyǵýdy ótkizý orny Atbasar jáne Tselınograd aýdandary men Kókshetaý qalasy bolyp aıqyndaldy.
«Arnaıy-taktıkalyq jattyǵý jumystary barysynda kóktem aılarynda oryn alatyn sý tasqyny tárizdi tótenshe jaǵdaılardy joıý kezinde basqarma organdary men memlekettik azamattyq qorǵanys kúshteriniń daıyndyǵy tekserilip, algorıtmi pysyqtalady», - dedi vedomstvodan.
