Aqmola oblysynda «Kókshetaý alaýlary» sholý alańyn qaıta qalpyna keltiredi
ASTANA. QazAqparat - Kókshetaýda oblys ortalyǵynyń kórikti oryndarynyń biri sanalatyn Buqpa shoqysyndaǵy sholý alańyn kúrdeli jóndeýden ótkizý jumystary bastalyp ketti, dep habarlaıdy Aqmola oblysyndaǵy óńirlik kommýnıkatsııalar qyzmeti.
Baspasóz qyzmetiniń aqparaty boıynsha, Kenesary kóshesinen «Kókshetaý alaýlary» sholý alańyna deıingi aralyqqa jańa asfalt tóselip, kólik turaǵy jasalǵan. 144 baspaldaq qala turǵyndary men qonaqtaryn alańnyń eń joǵary jaǵyna alyp keledi. Baspaldaqty boılaı taıaý arada jaryq ornalastyryp, tutqalardy jańartady, alańǵa otyratyn sákiler ornatady.
«Baspaldaq asyqpaı kóterilýge keńes beremiz, sebebi daıyndyqsyz adamǵa salmaqtan dem jetpeı qalýy múmkin», - dep túsindirdi Kókshetaý qalasy ákiminiń baspasóz hatshysy Myrzabek Myrzahmetov.
Turǵyn úı-kommýnaldyq sharýashylyǵy bóliminiń aqparatyna súıensek, jóndeý jumystary bıyl shildede aıaqtalady.
