Aqmola oblysynda kitap almasý aktsııasy ótti

KÓKShETAÝ. QazAqparat - Aqmola oblysynyń Stepnogor qalasyndaǵy S.Seıfýllın atyndaǵy №5 kópsalaly mektep-lıtseıi qabyrǵasynda mektepshilik erkin kitap almasý aktsııasy ótkizildi, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Elbasynyń «Bolashaqqa baǵdar: Rýhanı jańǵyrý» baǵdarlamasy sheńberinde «Býkkrossıng - saıahatshy kitaptar» ataýymen júzege asyrylyp jatqan sharanyń maqsaty áleýmettik jelige baılanǵan jastardyń kitap oqýǵa degen talpynysyn oıatý. Sharanyń ótýine qalalyq bilim bóliminiń mamany Altyn Ospanova, Irına Stashenko jáne qaladaǵy bilim oshaqtaryndaǵy kitaphana qyzmetkerleri atsalysty.

S.Seıfýllın atyndaǵy №5 kópsalaly mektep-lıtseıiniń bastaýysh synyp muǵalimi Sáýle Aqylbekovanyń sózine qaraǵanda,  osyndaı aktsııa ótkizý arqyly jastardyń biliminiń berik qazynasy kitap oqýǵa qyzyǵýshylyǵyn arttyrýǵa bolady.

«Kitap - bizdiń asyl dosymyz. Jyl sanap jańa tehnologııalar qansha damyp jatyr desek te, qaı zamanda bolmasyn kitaptyń orny bıik turary sózsiz. Sol úshin barsha turǵyndar, ásirese, oqýshylar qaýymyn kitap álemine baýlý maqsatynda atalmysh býkkrossıng ótkizip otyrmyz», - dedi ol.

Kishkentaı oqyrmandar aktsııaǵa qur alaqan kelmeı, ár shákirt óz atynan túrli kitaptardy mektep kitaphanasyna syıǵa tartty.

Sonymen qatar, qalalyq bilim bóliminiń ádiskeri Irına Stashenko kitaphanalar arasynda qalalyq deńgeıinde ótken «Eń úzdik ólketaný buryshy» saıysynyń jeńimpazdaryn quttyqtady. Saıys qorytynydysy boıynsha júldeli 3 orynǵa № 9 jáne 8 orta mektepteri laıyq dep tanylsa, 2 oryn № 2 orta mektep ujymyna buıyrdy. Al,  1 oryndy № 6 mektep gımnazııasy jeńip alsa, bas júlde № 5 kópsalaly mektep-lıtseıine berldi.

Kitap oqyrmandaryna týra jol tapqan aktsııa mektepshilik kitaphanada «Týǵan jer» baǵdarlamasy sheńberinde uıymdastyrylǵan kórmege ulasty.