Aqmola oblysynda keıingi qola dáýiriniń jádigerleri tabyldy

KÓKShETAÝ. QazAqparat - Aqmola oblysynda keıingi qola dáýiriniń jádigerleri – áshekeı buıymdar men qysh ydystardyń qaldyqtary tabyldy, dep habarlaıdy QazAqparat tilshisi.

Oblystyq mádenıet basqarmasynyń málimetinshe, bıylǵy maýsymnyń 6-nan bastap Zerendi aýdanynyń Keńótkel aýyly mańynda arheologııalyq qazba jumystary júrip jatyr.

Onyń barysynda arheologtar qola dáýiri kezeńindegi turmystyq zattardy tapty.

«Biz alǵash ret shaǵyn pishindi qysh ydystardy taptyq. Bul keıingi qola dáýiri. Munda oıý-órnekter joq, biraq erte temir dáýiriniń ejelgi túrki jazbalaryna uqsas jazýlar bar. Demek, bul ótpeli kezeń boldy. Jalpy, basqa keramıkalyq ydystardaǵy órnekter bizdiń dáýirimizge deıingi 17-15 ǵasyrlarda osy aımaqta ómir súrgen adamdardyń dúnıetanymy, senimi men mádenıetinen habar beredi», – deıdi oblystyq tarıhı-mádenı murany qorǵaý jáne paıdalaný ortalyǵynyń basshysy Jasulan Úkeev.

Aıta ketsek, osyǵan deıin Atbasarda ózen jaǵasynan áıeldiń bólshektelgen denesi tabylǵan edi.