Aqmola oblysynda kepterdiń jumyrtqasyndaı burshaq jaýdy
KÓKShETAÝ. QazAqparat - Şýche jáne Makınsk aýmaǵynda kepterdiń jumyrtqasyndaı burshaq jaýdy, dep habarlaıdy QazAqparat tilshisi.
«Qazgıdromet» RMK Aqmola oblystyq fılıalynyń málimetinshe, burshaqtyń jaýýy olardyń stansasynda tirkelmegen, alaıda, ondaǵylar burshaqtyń túskenin joqqa shyǵarmaıdy. Esesine aldaǵy kúnderi óńirde taǵy burshaq jaýatyny boljaýda.
Aıta ketsek, osyǵan deıin Aqmola oblysy aýmaǵynda daýyldy eskertý jarııalandy. 10 tamyzdan bastap, óńirdiń basym aýmaqtarynda jaýyn-shashyn, keıbir óńirlerde kún kúrkirep, jeldiń ekpini artyp, burshaq jaýatyny eskertildi. Ońtústik batystan, ońtústik baǵyttan soqqan jeldiń ekpini keı óńirlerde 15-20 m/s, kúndiz 23 m/s jetetini boljandy.
