Aqmola oblysynda kelini enesiniń atyna jasyryn nesıe rásimdegen
KÓKShETAÝ. QazAqparat - Aqmola oblysynda enesiniń atyna jasyryn nesıe rásimdegen kelinshektiń ústinen alaıaqtyq boıynsha qylmystyq is qozǵaldy, dep habarlaıdy QazAqparat tilshisi oblystyq oblystyq PD baspasóz qyzmetine silteme jasap.
Vedomstvonyń málimetinshe, alaıaqtyq qylmys Zerendi aýdanynda tirkelgen. Bul týraly qazannyń 5-inde aýdandyq PB kezekshilik bólimine 53 jastaǵy áıel habarlasyp aıtqan. Zardap shegýshiniń sózinshe, bıylǵy jylǵy mamyrdyń 29-da belgisiz bireýler onyń ústinen 75 myń teńge kóleminde onlaın nesıe rásimdegen. Osynyń saldarynan onyń múlki tutqyndalyp, esep-shottary buǵattalǵan. Sol sebepti, ol polıtsııaǵa aryzdanǵan.
«Osy oqıǵaǵa baılanysty Qylmystyq kodekstiń 190 babynyń 1 bóligi (alaıaqtyq) boıynsha is qozǵalyp, sotqa deıingi tergeý amaldary júrgizilýde», - dedi vedomstvodan.
Tergeý amaldary barysynda polıtsııa qyzmetkerleri kúdikti retinde Nur-Sultan qalasynyń turǵyny, 20 jastaǵy áıeldi anyqtady. Ol zardap shekkenniń kelini bolyp shyqty. Mamyr aıynda ol kúıeýiniń týystaryna qonaqqa kelgen. Oǵan shuǵyl aqsha qajet bolǵan soń enesiniń atynan jasyryn onlaın nesıe rásimdegen. Keıin ol qaryzy baryn umytqan, is nasyrǵa shabady dep oılamaǵan.
