Aqmola oblysynda Qazaqstan Respýblıkasynyń aýmaǵyn uıymdastyrýdyń bas syzbasy talqylandy

Jobany usyna otyryp, Qazaqstan Respýblıkasy Óńirlik damý mınıstrligi Sáýlet, qala qurylysy jáne qurylys departamentiniń dırektory Salaýat Dembaı Bas syzbasy óńirlik jáne álemdik úderisterdiń, eldiń áleýmettik-ekonomıkalyq damýyndaǵy óńirlerdiń róli eskerile otyryp ázirlengen Qazaqstannyń uzaq merzimdi aýmaqtyq damýynyń qala qurylysy salasyndaǵy negizgi ulttyq qujaty ekenin atap ótti.
Bas syzba jobasynda aglomeratsııalar máselesine, onyń ishinde Astana aglomeratsııasyna erekshe nazar aýdarylǵan. Astana aglomeratsııasynyń qalyptasýy qala mańyndaǵy aýmaqtyq resýrstar men kóshi-qon úderisteriniń esebinen boljanyp otyr. Damý Astananyń qala mańy aımaǵynyń bas josparyna sáıkes eldi mekenderdiń júıelik ózara baılanysy, olardyń áleýetti múmkindikteri men ósýdiń maqsattylyǵy eskerile otyryp iske asyrylady.
Bas syzba aıasyndaǵy naqty usynystar týraly baıandaǵan «QazQSǴZI» AQ Astanadaǵy fılıalynyń dırektory Turlybek Musabaev qalanyń aýmaqtyq damýy, aglomeratsııalar ıadrosy aınalasynda azyq-túlik jáne jasyl beldeý qurý barysynda múddeler qaqtyǵysyn týdyrmaý qajettiligi jaıly aıtyp ótti.
«Astana aglomeratsııasynyń turaqty damýy úshin, jekelep aıtqanda, Arshaly, Shortandy jáne Tselınograd aýdandary aýmaqtarynyń bólikterin Astana qalasy ákimshiligine qarasty etip, Astana aglomeratsııasynyń ákimshilik aýmaqtyq qurylysyna ózgerister engizý múmkindigin qarastyrýdy suraımyz» - dedi ol.
Oblys basshylyǵy men belsendileri osy usynystyń mańyzdylyǵyn ataı otyryp, tolyǵymen quptady. Osy rette, bul jobany jaqyn arada iske asyrý týrasynda usynys aıtyldy.
Budan basqa, keńes barysynda, Bas syzbanyń ázirleýshileri Aqmola oblysy boıynsha temirjol, avtokólik joldaryn, sý jáne áýe joldarynyń jańa qurylysy men olardyń bólikterin jóndeýden ótkizýdi jobalaýdyń eseptik merzimine arnalǵan negizgi baǵyttaryn aıtyp ótti.
Máselen, 2020 jylǵa deıin: «Astana-Almaty» (Balqash kóli arqyly), «Astana-Aqtaý» baǵytyndaǵy 3 avtojoldyń qurylysy jáne «Astana-Óskemen» avtojolynyń qaıta jańartý, Şýche-Býrabaı kýrort aımaǵyn jáne Kókshetaý qalasyn gazben jabdyqtaı otyryp Aqmola oblysynyń aýmaǵy boıynsha magıstraldy gaz-qubyrynyń qurylysy, Kókshetaý qalasynyń áýejaıyn halyqaralyq ICAO sanatyna kóshire otyryp qaıta jańartý. 2030 jylǵa deıin «Aqtaý-Shalqar-Torǵaı-Arqalyq-Astana» temirjol jelisiniń qurylysy.
Aqmola oblysyndaǵy problemalardyń ishinen T. Musabaev óńirdiń qýat tapshylyǵy máselesin atap ótti. «Óńirdiń óz qýat kózimen qamtamasyz etilý deńgeıi jalpy qajettiliktiń 17% quraıdy. Jańa generatsııany iske qosý boıynsha 2015-2030 jyldary Aqmola oblysy boıynsha qosyndy qýaty 90 MVt bolatyn «Astana-Energııa» AQ-nyń JES-3 (TES) jáne JES (VES) qurylysyn qamtamasyz etý qajet» - dedi «QazQSǴZI» AQ Astanadaǵy fılıalynyń dırektory.
Qazaqstandyq ıntellektýaldy qýat júıesin (QIQJ) qalyptastyrý sheńberinde 2016-2020 jyldary uzyndyǵy 200 km VL 500 kV bar Astana 500 kV qosalqy stansany salý qarastyrylýda.
Balama jáne jańartylatyn energetıkany damytý aıasynda Qazaqstanda 2013-2020 jyldary Aqmola oblysy boıynsha:
2014 jyly Ereımentaý aýdanynda Ereımentaý q. janynda qýattylyǵy 45 MVt JES (VES) salý;
2017 jyly Ereımentaý aýdanynda Ereımentaý q. janynda qýattylyǵy 30-50 MVt JES (VES) salý josparlanyp otyr.
Munyń barlyǵy óńirdi turaqty qýat kózimen qamtamasyz etý úshin jaǵdaı jasaıdy.

Aqmola oblysy ákiminiń birinshi orynbasary Rashıt Ákimov oblys turǵyndary sanynyń ózgeristeri týraly jáne kóshiqon úderisterin turaqtandyrý boıynsha qolǵa alynyp jatqan sharalar týraly aıtty. Sonymen qatar, oblys belsendileri tarapynan Stepnogor qalasy janyndaǵy ýran ken ornyn ázirleýdegi qaldyq qoımalarynyń ekologııalyq saldaryn nazarǵa alý jaıynda usynys aıtyldy.
Jalpy, keńes barysynda ázirlenip otyrǵan Bas syzbanyń negizgi erejeleri maquldandy jáne oblys tarapynan aıtylǵan usynystar nazarǵa alyndy.
Esterińizge sala keteıik, osy jyldyń mamyr aıynan bastap óńirlerde keńester ótýde, onda el aýmaǵyn uıymdastyrý boıynsha jobalyq usynystar, sondaı-aq, ár oblystyń, Almaty jáne Astana qalalarynyń odan ári damýyna tujyrymdamaly usynystar aıtylady.