Aqmola oblysynda qaza tapqan polıtsııa leıtenantyna memorıaldyq taqta ashyldy
KÓKShETAÝ. QazAqparat - Aqmola oblysynyń Atbasar qalasynda qyzmettik mindetin atqarý kezinde qaza tapqan polıtsııa leıtenanty Serik Imanǵalıuly Muhamedjanovqa memorıaldyq taqta ashyldy, dep habarlaıdy «QazAqparat» HAA tilshisi.
Memorıaldyq taqta Atbasar aýdanynyń Sochınsk qalasynda ashylyp otyr. Saltanatty sharaǵa ІІD kadrlyq jumys basqarmasy basshysynyń orynbasary, polıtsııa podpolkovnıgi Baýyrjan Saqypov, Atbasar aýdandyq ІІB jeke quramy, jergilikti atqarýshy organdar jáne marqumnyń týǵan-týystary qatysty.
«...Serik Imanǵalıulynyń erligi naǵyz erler úshin úlgi ónege. Óz qyzmetine adaldyq belgisi. Bul memorıaldyq taqta qyzmet babynda sheıit bolǵan polıtseıdiń erliginiń ǵana belgisi emes, jas, keleshek urpaqqa úlgi ónege...», dedi Baýyrjan Saqypov óz sózinde.
Eske sala keteıik, Təýelsizdik alǵan jyldan beri Aqmola oblysynda 30-dan astam polıtsııa qyzmetkeri opat bolǵan. Sonyń biri polıtsııa leıtenanty Serik Muhamedjanov buzaqylardyń qolynan qaza tapty. 2004 jyldyń 2 qarashasynda Atbasar aýdanynyń Sochınsk aýylynda mas eki adamnyń qoǵamdyq tərtipti buzǵany týraly habar túsedi. Oqıǵa ornyna dereý jetken Serik buzaqylardyń birin əkimshilik hattama toltyrý úshin polıtsııa ýchaskesine alyp keledi. Artynsha qolyna myltyq ustaǵan buzaqylardyń ekinshisi polıtsııa ýchastogine basa kókteı kirip kelip, polıtsııa leıtenantyn atqan. Osylaısha, joq jerde Serik alǵan aýyr jaraqatynan kóz jumady.
Mert bolǵannan keıin Serik QR Prezıdentiniń Jarlyǵymen 2-shi dárejeli «Aıbyn» ordenimen marapattaldy. Marqumnyń artynda əıeli men eki balasy qaldy. Osy kúni qyzy Əsııa əkesiniń izin jalǵap, ishki ister organdarynda qyzmet atqarsa, uly Tımýr kolledjde oqıdy.
