Aqmola oblysynda qaza tapqan polıtsııa qyzmetkeri týraly fılm túsirildi
KÓKShETAÝ. QazAqparat - Aqmola oblysynda buzaqylardyń qolynan qaza tapqan polıtsııa qyzmetkeri Serik Imanǵalıuly Muhamedjanovtyń taǵdyry men qaıǵyly qazasy týraly «Serik. Sońǵy kúz» atty fılmniń tusaýkeseri ótti, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Fılmniń tusaýkeserine Serik Imanǵalıulynyń anasy Baqytjamal Sákenqyzy men jubaıy Elena Petrovna, jaqyn týystary, Atbasar aýdandyq polıtsııa basqarmasynyń ardagerler keńesiniń tóraǵasy Rıf Rahımov, Sochınskoe aýylynyń burynǵy ákimi Vıktor Dýbovskıı jáne qyzmetkerleri qatysty.
Jınalǵandar aldynda sóz sóılegen oblystyq Polıtsııa departamenti bastyǵynyń orynbasary polkovnık Baqytjan Eralınniń aıtýynsha, fılmdi túsirýdegi basty maqsat – Serik Muhamedjanovtyń erligi men qyzmetine degen adaldyǵyn nasıhattaý arqyly jas mamandardy tárbıeleý.
Sharada «Serik. Sońǵy kúz» fılmi usynyldy, týyndy avtorlary polıtsııa leıtenanty Serik Muhamedjanovtyń qaza bolǵan oqıǵanyń hronologııasyn qalpyna keltirýge tyrysty. Fılmde qaıǵyly kúnniń sıýjeti jáne Serik Imanǵalıulynyń týystary men áriptesteriniń jáne aýyldastarynyń estelikter bar. Fılmde kórsetilgen qaıǵyly oqıǵalar 2004 jyly Aqmola oblysy Atbasar aýdanynyń Sochınskoe aýylynda boldy.
Atbasar aýdandyq ishki ister ýchaskelik polıtsııa ınspektorynyń kómekshisi polıtsııa leıtenanty Serik Muhamedjanov 2004 jylǵy 2 qarashada qyzmet atqarý kezinde qaza tapty.
2004 jyldyń 2 qarashasynda Atbasar aýdanynyń Sochınsk aýylynda mas eki adamnyń qoǵamdyq tərtipti buzǵany týraly habar túsedi. Oqıǵa ornyna dereý jetken Serik buzaqylardyń birin əkimshilik hattama toltyrý úshin polıtsııa ýchaskesine alyp keledi. Artynsha qolyna myltyq ustaǵan buzaqylardyń ekinshisi polıtsııa ýchaskesine bas kóktep kelip, polıtsııa leıtenantyna oq atady. Osylaısha, Serik alǵan aýyr jaraqatynan kóz jumady.
Fılmdegi rólderde kásibı akterler oınamasa da, kórermenderdiń nazaryna usynylǵan fılm óte shynaıy jáne áserli boldy. Rólderdi qatar ishki ister organdarynyń qyzmetkerleri, sondaı-aq marqumnyń jerlesteri somdady. Al qaza tapqan polıtseı Serik Muhamedjanovtyń rólin Atbasar aýdanynyń polıtsııa bóliminiń patrýldik polıtsııa vzvodynyń ınspektory aǵa leıtenant Jumádil Jandarbekov alyp shyqty .
Kadr basqarmasynyń qyzmetkeri Aıagóz Qalıeva jáne Polıtsııa departamenti murajaıynyń meńgerýshisi Amantaı Ysqaqova fılmdi túsirý jolynda jumys istep, ótken jyldar men sol kúngi oqıǵalardyń muraǵattyq derekterin zertteýmen aınalysty.
Búginde Muhamedjanovtyń qyzy Ásııa Nur-Sultan qalasynyń Polıtsııa departamentinde qyzmet etedi. Ákesi qaıtys bolǵan kezde ol 9 jasta edi, al inisi 6 jasta bolatyn.
«Ákem áli kúnge deıin kóz aldymda júrgendeı», – deıdi Ásııa, – ol óte meıirimdi, kópshil jáne sabyrly boldy.
Sharaǵa jınalǵandar 5 myńnan astam muraǵat foto sýretteri saqtalǵan vedomstvonyń murjaıynda boldy. Murajaıda qyzmettik mindetterin oryndaý kezinde qaza tapqan polıtsııa qyzmetkerlerine eske alýǵa arnalǵan ekspozıtsııanyń orny erekshe, olar polıtsııanyń jas býyny úshin árqashan batyldyq pen ar-namystyń úlgisi bolady.
«Ýaqyt óte kele qaıǵynyń azaby ketedi, óshedi, biraq áriptesimizdiń beınesi máńgi kóz aldymyzda», – deıdi Seriktiń jesiri Elena Muhamedjanova.
