Aqmola oblysynda qaza tapqan polıtseılerge monýment ashyldy
KÓKShETAÝ. QazAqparat - Aqmola oblysynda Qazaqstan polıtsııasynyń 25 jyldyǵyna arnalǵan saltanatty shara ótip, eń úzdik polıtseıler marapattaldy, dep habarlaıdy «QazAqparat» HAA tilshisi.
Saltanatty shara ІІD ǵımaratynyń aldynda ornatylǵan qaza tapqan polıtsııa qyzmetkerleriniń esimderi qashap jazylǵan eskertkish taqta men monýmentti ashýdan bastaldy. Eskertkishti oblys ákiminiń orynbasary Egor Kappel men oblystyq ishki ister departamentiniń bastyǵy, polıtsııa polkovnıgi Erjan Sádenov ashty. Táýelsizdigimizdi alǵan shırek ǵasyrdan astam ýaqyt ishinde el tynyshtyǵyn qorǵaý jolynda qyzmettik mindetterin atqarý kezinde 39 polıtsııa qyzmetkeri qaza tapqan eken. Jınalǵandar eskertkish taqtaǵa gúl shoqtaryn qoıyp, bir mınýttyq únsizdikpen qaza tapqandardy eske aldy.
Budan keıin saltanatty shara «Kókshetaý» mádenıet úıinde jalǵasyn tapty. Onda Aqmola oblysynyń ákimi, Іshki ister mınıstri men oblystyq ishki ister departamenti basshysynyń alǵys hattarymen birge, kóptegen polııtseıler jáne eńbek ardagerleri «Qazaqstan polıtsııasyna - 25 jyl» mereıtoılyq tósbelgisine ıe boldy. Saltanatty sharanyń sońy merekelik kontsertke ulasty.
