Aqmola oblysynda qaıyrymdylyq balynan 1,5 mln. teńge qarjy jınaldy
Atalǵan sharanyń maqsaty medıtsınalyq kómekke zárý balalarǵa mekenjaıy boıynsha kómek kóretý bolyp tabylady. Oǵan aýdan ákimdiginiń qyzmetkerleri, jergilikti kásipkerler jáne aýdandyq isker áıelder qaýymdastyǵynyń músheleri atsalysty. Balǵa qatysýshylar aldynda aýdan ákimi Malǵajdar Tátkeev sóz sóılep, sharanyń mańyzdylyǵyn atap ótti.
«Bul aýdan úshin mańyzy zor mádenı shara. Qaıyrymdylyq sharasyn kómekke muqtaj jandardyń jaǵdaılaryna beı-jaı qaramaıtyn belsendi azamattar men bıznestiń áleýmettik jaýapkershiligi aıasynda ǵana júzege asyrýǵa bolatyny sózsiz. Búgin sonyń kýási bolyp otyrmyz. Bizdiń qaıyrymdylyq sharasyn ótkizýdegi usynysymyzǵa qulaq asqan azamattarǵa alǵysymyz sheksiz», dedi aýdan ákimi óz sózinde.
Tselınograd aýdany isker áıelder qaýymdastyǵynyń tóraıymy Lázzát Qonarbaevanyń aıtýynsha, shara barysynda 1,5 mıllıon teńge qarjy jınaldy. Túsken aqshanyń 400 myń teńgesi medıtsınalyq kómekke zárý balalarǵa, 500 myń teńgesi «Bolashaq» qoǵamdyq birlestigine, qalǵany «Batyr» qoǵamdyq birlestigine bólindi. 
