Aqmola oblysynda «Qaıyrymdy ult» aktsııasy ótti

KÓKShETAÝ. QazAqparat – Aqmola oblysynyń mádenıet salasynyń qyzmetkerleri «Qaıyrymdy Ult» aktsııasyna úles qosty, dep habarlaıdy QazAqparat tilshisi.

«Búgin 23 naýryz kúni búkil el boıynsha «Qaıyrymdy ult» aýqymdy qaıyrymdylyq aktsııasy uıymdastyryldy. Aqmola oblysynyń mádenıet mekemeleri de aýqymdy is-sharaǵa belsene at salysty», - dedi Aqmola oblystyq mádenıet basqarmasynyń baspasóz qyzmetinen.

Aktsııa aıasynda balalar úıiniń tárbıelenýshileri, múmkindigi shekteýli balalar men qarttar úshin kóshpeli merekelik kontsert ótkizildi.

«Oblystyń úzdik shyǵarmashylyq ujymdary Kókshetaý qalasynyń arnaıy áleýmettik qyzmetter kórsetý ortalyǵy, tirek-qımyl apparaty buzylǵan balalarǵa arnalǵan Kókshetaý balalar psıhonevrologııalyq mekemesi, «Aıalaý» ortalyǵynyń balalary men 18 jastan asqan erekshe qajettilikteri bar azamattarǵa kontserttik baǵdarlamalaryn usyndy. Sondaı-aq is-shara barysynda balalarǵa merekelik syılyqtar úlestirild», - dep qosty vedomstvodan.

«Qaıyrymdy ult» aktsııasy odan ári jalǵasyn tabýda.