Aqmola oblysynda qaıtys bolǵan qarttyń ólimine qatysty tekserý júrgizilýde
KÓKShETAÝ. QazAqparat-Aqmola oblysynyń Tselınograd aýdanynda jasy 61-degi er adamnyń múrdesine qatysy tekseris júrgizilýde, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, 2018 jyldyń 11 qańtarynda Tselınograd aýdanynyń ІІB kezekshilik bólimine R.Qoshqarbaev aýylynan 500 metr qashyqtyqta jergilikti 1957 jyly týǵan er adamnyń múrdesi jatqany týraly aqparat túsken.
Keıin belgili bolǵandaı er adamnyń RES-te elektrık bolyp jumys istegeni anyqtaldy. Ol 2018 jyldyń 11 qańtarynda tańǵy saǵat 08:00-der shamasynda úıinen shyǵyp qaıtyp oralmaǵan. Arada birer saǵat ótken soń, onyń jansyz denesi tabyldy.
Tekserý kezinde onyń denesinde kúsh qoldanýdyń belgileri baıqalmady. Esesine 2013 jəne 2015 jyldary eki ret ınsýlt alǵany, 3 toptaǵy múgedek ekeni anyqtaldy. Sot-medıtsınalyq saraptamanyń qorytyndysy boıynsha er adamnyń sýyqta úsip qalǵany anyqtaldy.
Týystarynyń aryzy boıynsha er adamdy qatty boran bolyp turǵanda jumysqa shaqyrǵan kórinedi. Qazirgi kezde, polıtseıler osyǵan baılanysty tekseris júrgizýde.
